كلمات اغنية يا واحشني - اعلان فودافون رمضان ٢٠٢٦
وحشاني قوي قوي قوي واللي
حايشني شغلك أو شغلي
أنا جاية أهو يا حبيبة القلب
والشغل يستنانا على جنب
ونرغي أنا وانتي ونسهر
بجد ده البيت هينوّر
وحشيني على فكرة يا مجانين
وحشني طول شارع التسعين
ما خلاص يا عم كفاية تلاكيك
شوف انت فين وهعدي عليك
هاتيه وتعالي علشان نفطر
يا خوفي نفطر ع المحور
يا واحشني لو إيه حايشني
أنا برضه أجيلك
ده رمضان بينوّر بيك
وحشيني على فكرة يا جدعان
وحايشني أنتخة الإنسان
نفس الكلام أنا برضو تقيل
هنعمل إيه في الكورة بالليل
كورة إيه مش شايف المنظر
خسرنا من قبل ما نسنتر
وحشاني وحايشني المواعيد
قاينلني عشرة تكوني في البيت
أنا عاملة خطة زن أكيد
خليت بابا يزق المواعيد
مامتك لذيذة وهتقدّر
الخطة نفعت وهنسهر
يا واحشني لو إيه حايشني
أنا برضه أجيلك
ده رمضان بينوّر بيك
واحشني يا ملك الحكايات
وحايشني سفرك والمسافات
مش قولت جايلي واديتني وعد
يا واد واحشني نكون مع بعض
جايلك حالا مش هتأخر
الدنيا كلها هتنوّر
يا واحشني لو إيه حايشني
أنا برضه أجيلك
ده رمضان بينوّر بيك
يا واحشني لو إيه حايشني
أنا برضه أجيلك
ده رمضان بينوّر بيك
كلمات اغنية يا واحشني - اعلان فودافون رمضان ٢٠٢٦
غناء: محمد منير - أمير عيد - ياسمين عبدالعزيز - منة شلبي - محمد ممدوح - طه الدسوقي - أسماء جلال - مصطفى غريب - حاتم صلاح - جيسيكا حسام - توانا الجوهري - حمزة دياب
كلمات: فليبينو
الحان: احمد طارق يحيي
توزيع: احمد طارق يحيي - اسماعيل نصرت
ميكس وماستر: عمار خاطري