كلمات اغنية إضرب يا كينج - من مسلسل الكينج
ماتحاولش ياعم تفهم
انت عايز منها إيه
اللي قبلك حب يفهم
جاب وجع قلبه بأيديه
يلا عيش ويّا اللي عايش
نص ميت نص عايش
حبة عاقل حبة طايش
واتوجع ماتقولش ليه
هتقابل ناس كتير
من كل شكل وكل ملة
ويقابلك ناس أصيلة
وناس خبيثة ودون وقلة
وناس تشيلك وقت شدة
وناس وجودها علة
وناس قلوبها قايدة نار
وناس قلوبها ضلة
ناس سفنج وكلامها بنج
صحصح يا كينج
واصحى للي جاي
قابل وصد في الجد رد
ردك يخض كله طلق حي
نام وفتّح نص عينك
لو نعست برضو متأمنش
اوعى تنسى وتدي عينك
يوم لحد ما يتضمنش
لو دايرة معاك أي حكاية
قوم بيها لوحدك ده كفاية
من غير ولا حاشية ولا حماية
واضرب يا كينج
عدي وقتك
والمعاملة تبقى دايما على الحياد
واللي يضحك جامله واضحك
عاللي مات اعلن حداد
دنيا عايزة اللي يقابلها
يبقى دايس ع الزناد
خلي قلبك في عز ضعفه
يبقى أجمد من الجماد
هتقابل ناس كإنك
من زمان أهل وصحاب
وناس لحمك ودمك
كانوا ليك أكبر عقاب
وناس معاك على خط سيرك
زي ما قال الكتاب
وناس بتتمرمغ في خيرك
وبيردموه تراب
ناس سفنج وكلامها بنج
صحصح يا كينج
واصحى للي جاي
قابل وصد في الجد رد
ردك يخض كله طلق حي
نام وفتّح نص عينك
لو نعست برضو متأمنش
اوعى تنسى وتدي عينك
يوم لحد ما يتضمنش
لو دايرة معاك أي حكاية
قوم بيها لوحدك ده كفاية
من غير ولا حاشية ولا حماية
واضرب يا كينج