كلمات سوالف العشاق - بندر بن عوير
يا هوى بالي متى ما رحت ولا جيت غالي
ما تغيرك الظنون ولا الظروف وما يليها
إعتبرني معك متواجد ولو إني لحالي
كل يوم تجيني طيوفك من اللهفه وأجيها
ما قدر غيرك يخليني عن الناس انعزالي
ليه عمري صار حسب الرغبة اللي تشتهيها
الغلا ما يعترف في الفوضوي ولا المثالي
والمحبة ما تحن شعور من يمسك يديها
بين حيا للوصال وبين حيا للمعالي
أبتدي حرب الكفاح ولا أعرف وين أنتهيها
الشتاء ليله طويل وخاطري ماهو بسالي
وين أبلقى راحتي لو كان بالمال أشتريها
الحزن كنه يبي يفرض وجوده من خلالي
والفرح سوالف العشاق كنه ما يبيها
ما تعرف الضيقه الصدر الجنوبي والشمالي
من تمره مستحيل تروح لين يروح فيها
كل يوم من الغياب وكل ليل من الليالي
أفتح صورك وأقبلها وأقول الله عليها
أنت حلمي وانت الأول في الحياه وراس مالي
وأنت ذيك اللحظة اللي ضاع عمري يحتريها
يكثرون الناس من حولي ولكن في خيالي
منتظر لي ساعةٍ بالمال والحال أفتديها
الشتاء ليله طويل وخاطري ماهو بسالي
وين أبلقى راحتي لو كان بالمال أشتريها
كلمات سوالف العشاق لـ بندر بن عوير
كلمات : ناصر بن مفلح
الحان وأداء : بندر بن عوير
توزيع ومكس : حازم الابيض