كلمات اغنية مليت خناق - مريم ابو حجر
الوضع ده مبقاش له حل لازمله حد
والمرة دي غير اي مرة كلام بجد
مبقتش قادرة ع العتاب مليت خناق
بحتار تملي معاك وصعب اوصل لبر
والحب اللي كان دوانا فجأة ضر
ومفيش طريق هياخدنا اخره لاتفاق
مشاعرنا فجأة اتغيروا
أحلامنا ضاعوا اتبخروا
كان فيه ما بينا ألف حاجة حلوة
من كتر الخلاف اتكسروا
عالواحدة قولي بس ليه واقفين لبعض
لما احنا بينا زي ما بتقولي وعد
نفس الكلام بتقوله خايف من البعاد
نعقل يومين ويعدوّا تقلب بينا حرب
واللي اتفقنا عليه تجيبلي شرقه غرب
ونعاني شهر أستنى صُلح يومين جُداد
مشاعرنا فجأة اتغيروا
أحلامنا ضاعوا اتبخروا
كان فيه ما بينا ألف حاجة حلوة
من كتر الخلاف اتكسروا
كلمات أغنية مليت خناق
كلمات: محمد عبدالرحمن
ألحان: عمر عادل
مكس وماستر: عمرو الخضري