كلمات اغنية كل يوم - منال موسى
كل يوم اظل اهواك
بكل قوتي اتمناك
تفارقني قلي شلون
مو قلت اظل وياك
الايام احسها سنين
وين العشق لك وين
ايش حصّلنا من امشيت
مو كنا مرتاحين
من بالي كل شي يروح
ما يبقى فتره
حتى اللي اريد انساه
كل يوم اذكره
ظلت الك تشتاق
روحي الي عفتها
وشكد اريد انساك
ما دبرتها
كل ما احس بشوق
اي ابكي والله
والروح احسها تصيح
تموتني يالله
هو اللي يحب شي يشوف
غير القهر والاوف
ماكان ابد حبيت
لو ادري بيك تعوف
اسأل عليك هواي
كل رايح وكل جاي
ما اقدر بلياك
يللي تقدر بلياي
ماناسي لحظه وياك
من كل عمرنا
لو باقي انت وياي
كان ايش خسرنا
مو كنا احلى اثنين
ليش افترقنا
ما كنت اظن فد يوم
يخلص عشقنا
لمن عفتني الليل
يذبح بدونك
مانمت ابد مرتاح
والله وعيونك
كل يوم اظل اهواك
بكل قوتي اتمناك
تفارقني قلي شلون
مو قلت اظل وياك
كلمات أغنية كل يوم
كلمات: صهيب السامرائي
الحان: نبيل الاديب
توزيع ومكس وماستر: حسام كامل