كلمات اغنية جيتك - فؤاد عبدالواحد
جيتك من حدود الخيال اللي يداعبه النسيم
احمل شعور العاشق الوافي على ساق وقدم
جيتك على جنح العشق والشوق والليل العتيم
من بد هالعالم أبيك انته حبيبي بالاسم
أخذ المهم واخد الاهم عاشق أنا بحبك أهيم
وحدك وبس بدنيتي إنت المهم وانت الاهم
والله العظيم بداخلي حبٍ وشوق لك عظيم
واكبر من حدود الفضا حبك في روحي مرتسم
حقيقه ما تقبل جدال او شك يا اغلا نديم
بس وحدك انته دنيتي والكون من بعدك عدم
احتاج لوصالك انا وأنا أعرفك جدا كريم
واشتاق لعيونك ولو يصيبني منها سهم
ودي أشوفك واهتني وأعيش في قربك نعيم
في بحر حبك شوف محبوبك من أشواقه نهم
وشلون ماحبك وانا حتى بتفاصيلك أهيم
انت الغلا اللي عشانه جيت وغيرك ما يهم
كثر الغلا وكثر الوله ياحب يسكن في الصميم
ودامي معك ما املك الا احمد الله وابتسم
حبك مثل غيثٍ هطل في داخلي وأحيا الهشيم
وعساني من حبك ومنك يا حبيبي ما انحرم
حبك حقيقه راسخه والشوق فيني من قديم
ما يقبل انصاف الحلول ما كان ابد عمره وهم
تبقى لي الحب الكبير بخافقي وانته الحشيم
تامر على روحي وتنهاها وألبي لك نعم
كلمات أغنية جيتك
كلمات : سالم حمد بن كردوس
الحان : احمد الهرمي
غناء : فؤاد عبدالواحد
توزيع : سيروس
مكس وماستر : جاسم محمد