كلمات اغنية اعصار يهز الواقع - كريم كرستيانو واسلام كابونجا
أيوا أيوا
زي ما قولنا الفرحة فرحتنا
والحته حتّتنا
جايين النهارده نقول
مبروك لأخونا اللي مشرفنا
وحش الاسماعيلية
الوحش محمود يحيى
يا يوسف يا أوشا
ابعتهالو من الدراويش
اعصار يهز الواقع
حضّر صحافة ومواقع
جايين نحكي في المستخبي
ونكشح عمّ الصايع
ماتعش دور زعلان
وانت أساساً تعبان
يا ابني انت كنت
قبل أما تبقى عيّل فافي بتتهان
معايا سكرينات تكشفك
أنا كابوسك جاي أقرفك
مكنش في واحد يعرفك
وعلى إيدي بقيت ليك لازمة
أنا الذي اسمي مكهربك
وأنا الذي علطول بضربك
لو انت مقاتل هطلبك
وهلعب جولة معاك حرة
ده حصار في أيها ناحية
الوحش محمود يحيى
إسمعلاوي ع الفرح ناوي
وعملنا أجمل فرحة
الفرحة فيها تتار
وسّع لضرب النار
بيقول في ليلتي هنولّعوها
وهنطلع في الأخبار
سلامو عليكو يا منجهة
أنا حضرت كبيرك انتهى
هتعمل حنفي الأبّهة
هحوّلك نفسي الديزل
معايا ربنا بس في زمن
الجدعان فيه ملهاش تمن
زمانا ده قاسي لا يؤتمن
بس أنا مطروش مش بتسأل
شفاف أخد كشاف
ضربة فيها استكشاف
كان جاي صارخ
كامسته صوَّت وطلب الإسعاف
نو أند نو أنا نو
نو تورته دونت جاتوه
اسمعلاوي واسكندراني
بنقوله رزمن أيوه
تعالى يا روح قلبي أنا هنا
مستنيك يجي من كام سنة
واحدة برجولة وجدعنة
حقي هاخدو خلاص دلوقتي
معاك مين أهلاً بالبطل
ده عيّل أهطل من الهطل
كان بيجري ورايا وعطل
طلعت أنا عالقمة لوحدي
أنا مين وفين ومنين
أنا مش على الونجين
مين اللي جمبي مين اللي عليّا
مش عارف مين مع مين
سنة أولى كنت خطير
سنة تانية كنت بطير
جات مرة واحدة فوّقت نفسي
مبقتش واد شرير
وبقيت راكن الشر في مكان
وبطّلت خلاص الدكن
رميت مفاتيح كل المكن
شوفت نفسي وشوفت مصالحي
عملت فلوس استغربوا
وحبّوا يجولي يقرّبوا
حكاكين عاوزين يركبوا
جم وأنا خلاص كنت بصفّي
حبيبتي بنت أصول
وفي ضهر أبوها علطول
دي مش حبيبتي واسمها بنتي
أنساها مش معقول
فرحك خلاص اليوم
وغلاوتك أنا مصدوم
بعد التعب وبعد المشقة
هننام ونشبع نوم
محمود يحيى الليلة فرحتو
عشان جدع الناس عشقتو
محمود يحيى الليلة حضرته
هيبقى عريس قد الدنيا
كلمات أغنية اعصار يهز الواقع
مهرجان : إعصار يهز الواقع
غناء: كريم كرستيانو – إسلام كابونجا – الايسي
كلمات: إسلام كابونجا
توزيع موسيقي: يوسف أوشا