كلمات اغنية جواب متساب - ليل المحمدي
جواب متساب ما بين أوراق
عليه جرح السنين علِّم
وفوق مكتوب كفايه فراق
وقلب حزين بيتألم
جواب من ركنته ترّب
وانا ما عرفتش أتهرّب
ما فادنيش الكلام حاجه
فبطلت ان انا اتكلم
حسبت سنيني بالعدة
لقيت العمر ضاع مني
وقلبي اترج من الخظه
وخنقة روحي تكتمني
دي مش صورتي اللي في مرايتي
ده مشهد تاني لنهايتي
وفين الحلو في حكايتي
عشان احكيها يوم عني
حيطان البيت بتتشقق
عشان سكانها مش فيها
ونفسي الحلم يتحقق
واقوم بين حضني ألاقيها
سابتني ازاي ومرضية
تسيب الحزن في عينيا
وانا طول السنين ديا
بعيش علشان عايش ليها
غريق مستني لو قشه
تجيلي في يوم وتلحقني
وباخد بعضي واتمشى
بلاقي الذكرى تسبقني
ولا فتره وبتعدي
ولا اوجاعي بتهدي
واحساس ان انا لوحدي
خلاص ما بقاش بيخنقني
كلمات أغنية جواب متساب
Lyrics: Adham Moatez
Composition: Lil Elmohamedy
Music Arrangement: Saber Van Persie