كلمات شيلة دموع رجال - حسين ال لبيد
يا غالية ما تجي دايم على ما نبيه
دنياي عندي مشاكل بيني وبينها
صفت لي يوم اني اتبع ربي ومهتديه
من يوم ما طعت نفسي طحت من عينها
أحس فيني بلاء مدري وش أحس فيه
والله يا انا أحس بأشيا ما تحسينها
لا ضاق خاطر حبيبك سولفي واتركيه
اسألتك اداء واجب لا تعيدينها
أنا لي شهور والخاطر يجيه ويجيه
وأيامي التاليه ماهو بمن زينها
والضيقه هذي قديمة لا تقولين ليه
يعني على بالك انك ما تشوفينها
داري على خاطري واللي تبينه خذيه
لو تاخذين العيون اللي تبكينها
أنا عيوني حلالك والبكاء ما عليه
دموع رجّال وانتي تستحقينها
يا كثر ما حد نفسي على شيٍ ما بيه
ويا كثر ما اكتب قصايد ما تعرفينها
أخاف من يوم اصحى فيه ما ألقاك فيه
وانتي علي الحرام انك تسوينها
كلمات شيلة دموع رجال
كلمات: فهد قطنان
ألحان وأداء: حسين ال لبيد