كلمات اغنية بتعلي - محمد منير
الورد طارح على الخدود
وطرحني أرضاً
وبقالي مدة بدوب أدوب
وفي مالطا بدّن
طب حد بس يقولها إني رايدها
طب حد بس يقولها الطيب أحسن
بتعلي على الحلوين بتعلي
وجمالها زي الشهد محلي
نظرة عينيها ده سيف ودبحني
خلتني ماشي بخاف من ضلي
الشعر سارح زي ليل
وفي ليلها بسرح
سكنت في قلبي شمال يمين
ما سابتش مطرح
طب حد بس يقولها إني رايدها
طب حد بس يقولها رمشك بيجرح
بتعلي على الحلوين بتعلي
وجمالها زي الشهد محلي
نظرة عينيها ده سيف ودبحني
خلتني ماشي بخاف من ضلي
دي اللي القمر من حسنها
إتدارى بدري
وأنا لو هغني في وصفها
هايعدي عمري
طب حد بس يقولها إني رايدها
طب حد بس يقولها تجبر بخاطري
بتعلي على الحلوين بتعلي
وجمالها زي الشهد محلي
نظرة عينيها ده سيف ودبحني
خلتني ماشي بخاف من ضلي
كلمات أغنية بتعلي
كلمات: أمير طعيمة
ألحان: عمرو مصطفى
توزيع: أسامة الهندي