كلمات اغنية أحنلهم - محمد عبد الجبار
أحنلهم وأكولن باجر يرجعون
بس يا خوفي ما يلكون شبيه
شفت روحي بالمراية وبجن العيون
متغيّرة وأحس بروحي مو هيّه
لغير عيونهم لا تظن أخذني الشوك
أنا ذاك اللي يحن لأيام ماضية
أقلّب بالليالي ألكاهم أغلى الناس
جذب من كال صاروا ذكرى منسية
أكول نسيتهم يمكن وقنع الروح
أشوف عيونهم كدّامي يومية
عشرتهم عمر مرّتني رمشة عين
ويا سنين بس حاسبهن شويّة
همّا العاشرتهم ضيّعوني بساع
من الغربة بعد اترجى حنية
من الغربة بعد اترجى حنية
أنا صفّيت نيتي وبكل صدك حبيت
همّا وياي أبد ما صفوا النية
وجهي الجان يضحك لمن يمرّون
بكسر الخاطر اتغيرت معانيه
وبعد عندي أمل لازم إلي يحنون
شما يغيب الكمر لازم وراه جيّة
آني الحزن بيّة يبجي كل الناس
أشبه بالنهر لو عافه شاطيه
حالي يا روحي شوفي شتسوين
عايش بالقهر لا تكولي شعليّة
أكول نسيتهم يمكن اقنع الروح
أشوف عيونهم كدّامي يوميّة
همّا العاشرتهم ضيّعوني بساع
من الغربة بعد اترجى حنية
من الغربة بعد اترجى حنية
كلمات أغنية أحنلهم
كلمات: حازم جابر
الحان: عمر هادي
توزيع: منير جعفر
مكس وماستر: علي الامير