كلمات اغنية حضن أبويا أيسل خالد

كلمات اغنية حضن أبويا - أيسل خالد

لما يسألوني ويجوا يقولولي
ايه اكتر مكان بترتاحي ليه
بقولهم مفيش غير حضن ابويا
والدفى اللي فيه
دا مفيش أصلا بعديه

ياما قالوا وقالوا عليه
انه اي تي ام
وان وجودوا في حياتنا
مش مهم
يا حرام ما يفهموش
وكمان ميعرفوش
ان حب بابا بيجري جوا الدم

يا بابا لما نكبر هنقول لولادنا
انك كنت دايماً بتضحي علشانا
واللي نفسنا فيه كان دايما بيجيلنا
انت وست الكل هنشيلكوا في عيوننا

طول الليل سهران
في شغلوا شقيان
ولما يجي البيت يبان انه فرحان
نروح ونجري عليه
ويضمنا بإيديه
والله حضن أبويا بالعالم واللي فيه

حلمك هحققهولك
عمرك ما تكون بطولك
بكرا اخد الشهادة والكل يغنولك
عرفت تربي يا بيه
طبعاً أومال إيه
اهو دا الحب الحقيقي اللي يتقال عليه

غناء: أيسل خالد
كلمات وألحان: خالد الكابيتانو
توزيع ومكس وماستر: التوينز