كلمات اغنية تسلملي - لطيفة
تسلملي
تكشيرتي بتقلب ضحكة
لو شوفتك جاي عليّا
ومشاكلي بحالها بتتنسي
أول ما بتضحك ليا
لو في حاجة حلوة في دنيتي
انت أكيد الحاجة ديّة
تسلملي
مش عارفة أنا لو من غيرك
كان إيه بس هيحصلي
ده عليك أنا بحمد ربنا
مليون مرة وأنا بصلي
أنا بيك يا حبيبي
نصيبي الحلو من الدنيا وصلني
وتسلملي
على كل لحظة جميلة جنبك عيشتها
على كل حاجة عشان سعادتي عملتها
على كل شيلة يا حبيبي عني شيلتها
وتسلملي
ياللي انت ضهر وحضن لاقية أنا فيه الدفا
ياللي انت قلقي من السنين بيك اختفى
ياللي انت فيك معنى الرجولة والوفا
تسلملي
لو هفضل عنك أحكي
سنين العمر هتسرقني
طب هحكي إزاي عشقاك
ولا أحكي إزاي انت عاشقني
كل اللي أنا قولته يا حبيبي
ده نقطة في بحر صدقني
وتسلملي
إحنا الحب اللي ما بينا
مافيش ولا كلمة هتختصره
دي سنين وحاجات ربطانا ببعض
لا يمكن يتكسروا
واللي زمان حاولوا يوقعوا بينا
في الآخر خسروا
وتسلملي
على كل لحظة جميلة جنبك عيشتها
على كل حاجة عشان سعادتي عملتها
على كل شيلة يا حبيبي عني شيلتها
وتسلملي
ياللي انت ضهر وحضن لاقية أنا فيه الدفا
ياللي انت قلقي من السنين بيك اختفى
ياللي انت فيك معنى الرجولة والوفا
كلمات أغنية تسلملي
اسم الأغنية: تسلملي
كلمات: حسام سعيد
ألحان: سامر أبو طالب
توزيع موسيقي: خالد نبيل