كلمات اغنية مراية الحب - هيفاء وهبي
الناس عمالة تأنبني
كان ايه فيك بس اللي عاجبني
وانا أحسن منك
باسو إيدي وما قبلتش
الناس عمالة تبكتني
كان إيه على ده كله مسكتني
وازاي من الأول
شفت مطب ما فرملتش
خلتني سمعت جمل
كنت بصدقها ساعات
ياما قالوا عامل لي عمل
وبيتهيألي حاجات
وتخيل بعد ده كله
إنت اللي بتنهي ده كله
وتقول مش عايز تاني
شكرا يا مراية الحب أوي
حليتي في عيني أناني
الناس عمالة تغلّطني
ازاي كان قلبي مورّطني
وازاي من الأول
شفتك أصلا تناسبني
كان لغز وكله بيسألني
للحتة دي ايه اللي منزلني
وتخيل بقى لما احكي
إن انت اللي سايبني
لو عقلي في يومها ربط
مع قلبي وقال له بلاش
كان قاله كفاية عبط
وإرجع ما تندمناش
وتخيل بعد ده كله
إنت اللي بتنهي ده كله
وتقول مش عايز تاني
شكرا يا مراية الحب أوي
حليتي في عيني أناني
كلمات أغنية مراية الحب
كلمات: أحمد المالكي
الحان: سامر ابو طالب
توزيع وميكس وماستر: أمين نبيل