كلمات اغنية حب ديسمبر - الوليد ال عامر
في الدوحة أول خيوط الصبح تجمعنا
ديسمبر اشوف وجهك غاية سنيني
في الدوحة أول حكاياتك بدت معنا
ديسمبر يبان حزني في طرف عيني
اشوف في وجهك الطاهر مكاسبنا
كنتي جمال الحياه وزينة سنيني
انتي عيونك تجلي حزننا منا
يا راحة البال وجهك قطعةٍ مني
فرقاك ما كنت اعرف انها بتوجعنا
لاكن فرقاك والله خارج ايديني
في دوحة العمر طيفك مر ودّعنا
والبعد يثر على قلبي ويبكيني
ذكراك في داخلي يا زين موجعنا
لوّك بتنسى طيوفي طيفك ابعيني
علّمني وجه الغياب الصبر لا غبنا
علّمني كيف الجفى يا زين يكويني
في ضحتك حن قلبي لا تذكرنا
صدري تشاعل حنينه لا تخليني
تذكر عيونك وقلبك يوم تسمعنا
صوتك دفى قلبي الصادق ويرويني
تغيّر العمر كله يوم ودعنا
من دونك العمر عندي ما يعنيني
والله وتالله ما ينسى يوم جمّعنا
يا كيف بنسى عيونك كيف تغنيني
ذكرتك وضاق صدري يا مودعنا
ليل المسى دون وجهك ما يسريني
مافيه غيرك ولا مثلك يجي معنا
ولا فيه غيرك سكن يا زين في عيني
أنا أحبك وبعدك ما يبدلنا
حبك هو اكبر مكاسبنا ويكفيني
قالو نسيته وقلت الحب يمنعنا
وشلون ابنسى من اللي في شراييني
أنا بدونك حياتي ما تعنينا
في كل ذكرى دموعي تهل من عيني
حظورك وقربك الدايم يفرحنا
غيابك المر يحزني ويبكيني
اليا تعذرت منك فاقبلي منا
وختامها صفح يبدر بينك وبيني
صوتك ليامن دعيته بالصدى غنا
كنه ينادي من الغيبه ويدعيني
يا أول من احب وآخر حب يجمعنا
ارحم من اللي غيابك بان في عيني
على الوعد لو خذاك الوقت يجمعنا
ألقاك الاول والاخر يا معنيني
رجيت ربي بعد فرقاك يجمعـنا
وترجع لنا أيّامنا الأولى وتحييني
وترجع لنا أيّامنا الأولى وتحييني
كلمات أغنية حب ديسمبر
كلمات : عبدالله نايف العنزي
اداء : الوليد ال عامر
توزيع ومكس : مقامات