كلمات اغنية الله يسلط على الأشواق - محمد بن غرمان
ابتدى ليل الشتاء والسهر والجو طاب
والمشاعر هاديه ماتجن جنونها
وانكشف وجه القمر وانجلى كل الضباب
والسوالف بيننا ما انتهى مضمونها
الله انه لايعيد التواصل والسناب
حد هالعالم على أمور مايبغونها
واعذاب القلب بعد انفتح للعشق باب
عاد أنا عندي جروحٍ قديمه دونها
انتي اللي فيك زومة وقبله وانسياب
والشفايف كنها جمره بغليونها
الله يسلط على الأشواق
لاهبت المربعانيه
البرد يثر على العشاق
ويجدد جروح مخفيه
من تل قلبي من الأعماق
وشلون مافيه ماويه
من تل قلبي من الأعماق
وشلون مافيه ماويه
العيون وساع والخد قطعه من سحاب
والخصر كنه غصن شجره بزيتونها
مثلها ماشفت فوق البسيطه والتراب
جوهره والجوهره ودك ايصونونها
التغطرف والدلع والتكبر والعتاب
من عوابتها ترد اللي ايخطبونها
شوفها مثل المطر يحيي القلب المصاب
يشرح صدورٍ ماباح الزمن مكنونها
يا شمال العاصمه بعد هذيك الهضاب
فيك ياجعل السحايب تهل مزونها
الله يسلط على الأشواق
لاهبت المربعانيه
البرد يثر على العشاق
ويجدد جروح مخفيه
من تل قلبي من الأعماق
وشلون مافيه ماويه
من تل قلبي من الأعماق
وشلون مافيه ماويه
ان بغيتك مشكله وان تركتك في عذاب
اسحرتني يا جماعه بزين عيونها
قالت انته شاعرٍ توك بسن الشباب
اغلب أبياتك مع الناس ويغنونها
قلت أنا بين الخطا والمكابر والصواب
فيك يا زين القصايد وزين لحونها
بنت شيخٍ وقفته للمواقيف الصعاب
يعتزي فيها ياجعل البشر يفدونها
من غلاها مسميٍ باسمها تلع الرقاب
لو تبي سطح القمر عادي يودونها
سجلوني بعد ما شفتها ضمن الغياب
سالفتنا مثل ليلى وانا مجنونها
الله يسلط على الأشواق
لاهبت المربعانيه
البرد يثر على العشاق
ويجدد جروح مخفيه
من تل قلبي من الأعماق
وشلون مافيه ماويه
من تل قلبي من الأعماق
وشلون مافيه ماويه
كلمات أغنية الله يسلط على الأشواق
كلمات الشاعر : مسير القاضي
الحان واداء : محمد بن غرمان
مكس وتوزيع : عبدالكافي العجمي