كلمات اغنية السلامة دوروها - الجفراني
السلامه دوروها يا مدورة الغنايم
مالكم معها خشير ولا لكم فالشوط خانه
من عوايدنا لا صار منافس الاخصام دايم
كم راع شدادٍ متكي نشيله من مكانه
من عوايدنا لا صار منافس الاخصام دايم
كم راع شدادٍ متكي نشيله من مكانه
ماقطع خط الرفيعه غير قطّاع الخرايم
أرخمٍ مايعرف أظلال المظله والصيانه
من طراز أخر موديل اللي للاسترخاء ملايم
يسري السواق ليله كله وكنه مكانه
داخليه لو برا شمس كن الجو غايم
بينه وبين الطقوس الغايمه مثل الميانه
كل مادوى هاجسي واقبل على السبع النعايم
قمت ألاعب طارته والبيت مع دربه أخوانه
وأن تراكيت بمجال البل ياشعار الولايم
أطلق الشعار فالساحه يبا يبلع لسانه
مدمن حب الشناح اللي نقلدها العمايم
واتعاطى حب شغموم تصاريحه تكانه
حول بشولٍ يبى يسوي باهل شوطه جرايم
ودك تهني به اهل الصنف من باب الامانه
جابها اللي عزمه أيتعب قويين العزايم
محتزم باطيب بني عمه ويضمنها ضمانه
عندنا اللي نظرته قلب الهدف مثل الصتايم
مشتراه يعدل المايل ويرجع لاتزانه
ما يهدف غير فرديه ومنهوضة قوايم
ما يجي منه القصور ولا تجي منه الخيانه
شعلاً كنها من القيعان للمريخ شايم
خشمها قوس الربابه وأرقبتها خيزرانه
في كنف راع مهيوبه صار حظ الشعل قايم
أرتفع بحضور ابن جدعان مرفوع المكانه
السلامه دوروها
السلامه دوروها يا مدورة الغنايم
مالكم معها خشير ولا لكم فالشوط خانه
الشعل من دونها قرم يزايمكم مزايم
ابلج يضرب بقوة راسه ويرفع بنانه
ومن رعت في قلبه الراعه يسقّى بالعزايم
لا يسوي في كبار اشواطنا عنتر زمانه
ما نقلدها الحبال الا نقلدها العمايم
دونها راس الزيادي واصلٍ لزعيتمانه
نخبةٍ ما يلحق اللي سرحوها لوم لايم
الوعد لا سرحوها قيل عان الموت عانه
من عوايدنا لا صار منافس الاخصام دايم
كم راع شدادٍ متكي نشيله من مكانه
السلامه دوروها
السطر في روسنا والزين في روس البهايم
والنظر مدارسه حنا وكسابة رهانه
ما نسوق الا الخيار اللي تصحي كل نايم
بنت هرشٍ يتعبون اغلب هل الناقه عشانه
في عظام المال ما يرخي الريال الا العظايم
كم وسيع بطان دون نحروهن مسو بطانه
ولو تزود اقيامها معها يزودن العزايم
نحمد الله ما طلبنا عند مشراها الإعانه
ولا تعاملنا مع اللي شغلهم نصب وضلايم
ننتخ الفردي قبل يعلن قراره من لجانه
كلمات أغنية السلامة دوروها
كلمات : عناد القثامي
ألحان : الجفراني