كلمات اغنية ياخذني الشوق عبدالله ال مخلص

كلمات اغنية ياخذني الشوق - عبدالله ال مخلص

ياخذني الطاري وياخذني الشوق
ويصير مخزون الخلايا طواري
واللي طواه البين ما عاش مرموق
ولا تجيه الأمنيات اختياري

ماهي بلحية كل مطرود ملحوق
البعد قاسي والليالي مساري
ياما سهرت الليل ما غمض الموق
مع هاجسي مابين بايع وشاري

والعنق منتوق للي عيونه سود
والعنق منتوق
ياما عليه اشفق واهوجس وداري
والتاج والطوق يزهاه عقد الماس
والتاج والطوق
سلم بدوي فاخر وطابع حضاري

شيهانةٍ غنا لها الحب طاروق
تعشق سنا القمرا وجرد الصحاري
ما رأفت بحال من العام مفتوق
وانا العزيز اللي ما هان انكساري

ماجيتها غره ولا جيتها بوق
حشاء ولا جبتي هبوب الذواري
امثل اني شخص ماني بمطفوق
وأعدي أحلامي اضهور الكباري

لو دون خفاقي شرايين وعروق
كنه يعرض مرهفات الشباري
والجرح لا حول على القلب من فوق
يبين في حال المعنا مواري

والوجد لا ربّع ورا كل معلوق
نتايجه والله ماني بداري
نتايجه والله ماني بداري

كلمات : راشد الاحبابي
ألحان : عبدالله ال مخلص
توزيع ومكس : حازم الابيض