كلمات اغنية رقم واحد ميشغلوش - عصام صاصا
أنا مش هقولك ابعتهاله
أنا ملو في وشه مديهاله
عشان ما يسرحش بخياله
ويفكر يعمل حلو تاني
رقم واحد ما يشغلوش
إتنين تلاتة دول ما جوش
أربعة خمسة ما يتشافوش
ما يتقارنوش بنمبر وان
بفضل الله عملت صيت
واخد عرض وطول المحيط
هيروحوا فين الكام عبيط
أنا فن وهما عن عن
أنا بابا الشغلة وعمها
ولا بانلها ولا هيبانلها
قديم وجديد على قد الإيد
أنا واللي خلقني ما شايفلها
حاضر من غير ما أمضي حضور
بظهر كله بيخفي ظهور
وأنا موجود مالكمش وجود
واثق من نفسي ومش مغرور
أنا مش هقولك ابعتهاله
أنا ملو في وشه مديهاله
عشان ما يسرحش بخياله
ويفكر يعمل حلو تاني
ما هو لا يصح إلا الصحيح
لابد برضه من التصحيح
أنا بنطق الكلام صريح
أنا مش بتاع كاني وماني
ما تخبطش وما تهلفطش
قصاد البابا ما تتنططش
فوق يا عبيط ده أنا بحر الصيت
يا أهبل مع غيري ما تتصيتش
جي بتتحداني بمين
بعيال شبهك مبتدئين
ده أنا في الكار من وإنت بترضع
سايق المهنة بقالي سنين
معروف الرد ع العبيط
يعمله بالأونطة صيت
يابا الموضوع سهل وبسيط
هلبسله نضارة بفاميه
أنا كنت السبب في اكتشافك
مشيت معايا كله شافك
مد رجليك على قد لحافك
هتخيب يا عم ولا إيه
كان جيلي قطة مغمضة
يخرب بيت أم النمردة
كبر القط اتحول روت
اتشرس ومقضيها عضعضة
رغم الكل بيستهلسه
كان العبد لله مميزه
خليت كل الناس تحترمه
بعد ما كانوا عليه يهيسوا
رجلك شويتين شايلاك
لكن صدقني مش جايباك
أنا قلتلك وانت وهواك
هنا تسوق الهبل تفوق
الجرأة حلوة ما فيش كلام
بس انت برضك لسه خام
هو المظبوط ع الساعة كام
أنا فوق لو ليك لحاجة شوق
أنا ما باجيش في حالات وشتيمة
ولا بعمل للهلافيت قيمة
مبدأي واقع مش في مواقع
لغة الستوريهات دي قديمة
الله يعينك على مواعينك
إغسل وإنشر مش شايفينك
عيل هتيا وآخرك ميديا
إكدب ع الخمسة اللي متابعينك
الشبكة واقعة ولا إيه
في وشي مش شغالة ليه
ما في ضهري كانت 5G
والـ Online كان ليل نهار
بعتله إنت فين يا Man
عايز Location المكان
عمل خاصية الجدعان
مسيري أشوفه مش حوار
في اللايفات ركبوا جناحين
عملوا ما فيش منهم إتنين
وش في وش الكل يكش
مجرد ما بتديله قلمين
في التليفون كلها جدعت
شتمت في حديدة وسمّعت
وأما شافونا على راسنا باسونا
الهلافيت على طول جمعت
كلمات أغنية رقم واحد ميشغلوش
مهرجان : رقم واحد ميشغلوش
غناء : عصام صاصا الكروان
كلمات : مصطفى الجن
توزيع : كيمو الديب