كلمات اغنية لقيت المحبه - عبدالرحمن بن لويفي
أنا جيت يمه واباشيل همه
واعده قمر واهتدي فيه واسري
اشاهد طيوفه وابلمس كفوفه
وانا ابوح ويبوح والعالم الله
اشوف الصغير عليّ تغيَّر
يجي له خبر فيه ملعون يجري
يعبون راسه بلحظة حماسه
ويرجع لي اينوح والعالم الله
وجاته كآبه ألا واعذابه
وحاله خطر وأصبح الوضع مزري
ولأجله تعبنا ولأجله كتبنا
قصايد بها روح والعالم الله
لقيت المحبة ماهي بتشبه
وتاخذ من العمر من دون مدري
أنا باتسلا وهو ايتغلا
وسبّب لي اجروح والعالم الله
ولا احدٍ درالي وش اللي جرالي
وحتى الصبر قال ابعطيك عذري
الا واخساره تغير مساره
مسك دربٍ يروح والعالم الله
الا واحسايف ماعدنا ولايف
بلمح البصر ماحفظ لي قدري
عليه الملامه ونبغى السلامه
ونكتبه باللوح والعالم الله
ذكاءً صناعي وصلني يذاعي
يسبب قهر والعرب فيه تدري
يقول انتهينا مثل مابدينا
ولا قلت مسموح والعالم الله
كلمات أغنية لقيت المحبه
كلمات : احمد صلاح الجهني
اداء : عبدالرحمن بن لويفي
توزيع ومكس : استديو ابداعات سعودي الاعلاميه