كلمات اغنية ادفى بك - سلطان البريكي
الله على الليل جوّ البرد وعيونك
ما ناقص إلا تضيق الأرض وادفى بك
أصحابك الكوت والقفّاز وشجونك
يا ليتني بينهم واحد من أصحابك
ليل الشتا ما رحم أنفاس مجنونك
بردٍ يكسّر حنايا الروح في غيابك
من دون همسك ولمسك كفّ مفتونك
أنا لي الضيق وانته عذرك أسبابك
نجمة شمالي طفت من دمعة جفونك
وأنا احترق كلّ ما مَرّ الهوا بابك
يا ويل قلبٍ بنى له صرح بظنون
ويا سعد حلمٍ تحقّق والوعد جابك
كان العتب ثار لين انصب مكنونك
زلّ العتب واسقني من مبسم عتابك
الله على الليل جوّ البرد وعيونك
ما ناقص إلا تضيق الأرض وادفى بك
أصحابك الكوت والقفّاز وشجونك
يا ليتني بينهم واحد من أصحابك
يا وجه نورٍ على طيف الشفق لونك
شمسي تصلّي على ضوّك بمحرابك
عقدين مرّن على حبي يِحسْدونك
وانا احسد اللول في نحرك وفهدابك
ما فيه غيرك يثير القلب في كونك
ولا كلّ حضنٍ يطفّي ضيقة احبابك
ولو ضاع عقلي لقى جنّته في جنونك
يا جَنّةٍ للهوى ما خلقت إلا بك
قتلني الليل جو البرد وعيونك
يا ليتها إلا تضيق الأرض وادفى بك
أصحابك الكوت والقفّاز وشجونك
وأنا الحطب خلني واحد من أصحابك
باقي على عهدك ومدفون في ديونك
وان ما حصل لي كفن تكفيني ثيابك
الله على الليل جوّ البرد وعيونك
ما ناقص إلا تضيق الأرض وادفى بك
أصحابك الكوت والقفّاز وشجونك
يا ليتني بينهم واحد من أصحابك
كلمات أغنية ادفى بك
كلمات: عبيد بن راشد اليليلي
أداء: سلطان البريكي
مكس وتوزيع : حازم الابيض