كلمات اغنية يانا سهيل - أسعد البطحري
على المرزم ولكليبين ردوا
وداعيّه على القيظ وسمومه
ضوا المبروك والعرّاف عَدوا
ويانا سهيل في شهره ويومه
هواة البعد من شافوه ادوا
تراحيب الفرح ليلة قدومه
ربوع الطيب نقوْه ما تردوا
بلمخوّه عن الديره بشومه
خلاف مصيفهم للبر جدوا
وكلٍ له على المقناص قومه
فيا محلى خبر حَلوا وشَدوا
عوايد تتبع الصيد ورسومه
قنص هذا وهذيلاك هدوا
مناظر تمحي الخاطر همومه
صقاقير الامارات استعدّوا
بكل اشقر عدم بالسوق سومه
من النادر مثيله به تحدوا
على نقالة الطير بعمومه
عطيب الكف بزماطه تبدوا
خشير الفال مكبرها قسومه
هلاك الخرب وان قاموا ومدوا
وشلوا برقعه يقضي لزومه
ويا الناموس بهدوده اودوا
إلى الصقار نشادة علومه
كلمات أغنية يانا سهيل
كلمات : أحمد سعيد النيادي
اداء : اسعد البطحري
توزيع ومكس : تون لايف