كلمات شيلة وداع المحبين - الوليد ال عامر
ماعاد تجذبني ورود البساتين
ولا يهيضني هديل الحمامه
جنبت عن درب الهوى والمزايين
مع ان دربه ما يمس الكرامه
قل الشغف وانا بسن الثلاثين
من يوم طاولني عذاب الندامه
أنا بشر واخطي وكثر الخطاء شين
والعاقل اللي ما ينزل مقامه
زود المحبه قد لعب فالسلاطين
وقامت تنكس هامةٍ بعد هامه
ودام الغضي يلعب معي بين حبلين
عذلت قلبي من هواه وغرامه
واللي بقى ذكرى لحبٍ من سنين
ولا وليفي رافقته السلامه
قالو تخطيته وانا اقول يا عين
لاتفضحين اللي يثمن كلامه
ضمي دموعش وانثري الدمع بعدين
لاتفرحين اهل العتب والملامه
نتيجة الاخلاص فالحب ثنتين
أما حياة القلب ولا انعدامه
قالو تخطيته وانا اقول يا عين
لاتفضحين اللي يثمن كلامه
ضمي دموعش وانثري الدمع بعدين
لاتفرحين اهل العتب والملامه
نتيجة الاخلاص فالحب ثنتين
أما حياة القلب ولا انعدامه
ولا انت حبك حط للقلب روتين
صدمه ورى صدمه ليوم القيامه
واقسى المشاعر في وداع المحبين
عبرة حزن متخفيه في ابتسامه
عبرة حزن متخفيه في ابتسامه
كلمات شيلة وداع المحبين
كلمات : مشاري ال عامر
اداء : الوليد ال عامر
توزيع ومكس : تون لايف