كلمات شيلة طرف الليل - خالد ال بريك
طرف الليل ما نامت عيون الشقاوي
عزتي للعيون اللي سهرها طبيعه
كل ما انفضوا السمار كني جلاوي
في رقبته طليب وفي هشيمه وليعه
عطني الدله وعطني خريف الحساوي
ما حصل نوم وعيون الهقاوي وسيعه
قلبي اللي من الفرقى يسوق الرجاوي
ضاع من غيبة الخلان ضيعه وضيعه
آه وحالي اللي مال جرحه مداوي
لو يدس العذاب ولو يشيل الوجيعه
مالي الا طويلٍ فوقه الذيب عاوي
راس رجمٍ يذري للحصون المنيعه
لو غشاه السحاب اللي من الغرب ضاوي
فرّق المزنه الغرى وراحت مزيعه
فيه جرة مهاه وفيه طاري مهاوي
جادلٍ خلت الصدمه بعدها شنيعه
كنت اسج القدم وادوّر اللي يخاوي
وعقبها مابقى غير الثياب الدليعه
وين وجه الربيع اللي يلم البداوي
والمظاهر وبيوت الشعر والطبيعه
يمكن اسلا عقب حزن النهار القصاوي
في مرب الجهام اللي لهرشه قضيعه
راح طرفٍ كحيل وراح وجهن حياوي
ونجد الانجد فجوجه للمغني نفيعه
لا دعانا شجيعٍ دعوته بالمناوي
دون راسه ماقدّم غير روسٍ صديعه
واجب سعود واجب كل طيّب حماوي
نقدر العذر دونه مير ما نستطيعه
صاحبٍ في مواقف النشاما فداوي
واسمه اشهر من نجوم المدار اللميعه
البس البشت واترك لابسين الفراوي
ياحفيد الزحول اللي تسد الذريعه
دلبحيٍ ليا كبرت كبار الدعاوي
في يمينك عنان الطيب مثل الوديعه
معتلن صهوة اللي في رسنها تلاوي
من بنات الحصان اللي تقود الطليعه
مانسوق العمار ولا نسوق الخطاوي
غير يم المقام اللي براس الرفيعه
الرفاقه يقدرها رفيقٍ فداوي
والمواقف تخطفها الذياب المجيعه
يا ولد عايض ابشر بالحزام الرهاوي
جل همك ورحب والتحايا طبيعه
محفلك شع نوره مثل نجمٍ سماوي
سكرت زحمته حتى الخطوط السريعه
عادة الاد دلبح مخلفين الهقاوي
يحتمون المواقف بالعزوم الشجيعه
سمعةٍ مع طرفها ريح عنبر وجاوي
في صدور المجالس شايعتها رفيعه
سطرتها الزحول اللي تلج العزاوي
ما رضت بالهوان ولا رضت بالهزيعه
حربة الاد روق اللي لاجات القصاوي
طايل العمر في سوق المنايا يبيعه
فوق روس الخصوم يكوسرون الحداوي
لا تولوا مقاضيب السيوف الوريعه
ولا دهاهم صياح محذفات الغطاوي
حطوا قبورهم خرس العيون الوسيعه
ومن كرمهم لا حلوا قاع دارن سناوي
قام يبرق على مد البصاير ربيعه
والمضايف يحوم ابها العديم النداوي
يكفخ اليوم ويواصل مطيره تبيعه
مدهل الجود قبلة كل سارح وضاوي
في كنفها رموز المعرفه والشريعه
كن عج المداخن مع بهار القهاوي
نو صيفٍ تصلخ من جنوبه صقيعه
والصيانا علفها من ظهور الشتاوي
والخروف السمين اللي ربح من يبيعه
والكرم في عتيبه فطرةٍ بالتساوي
ما خذوها نفاق ولا خذوها صنيعه
افنوا الحايل اللي في مراح الشواوي
والعدو في عيونه مثل شوك النقيعه
كلمات شيلة طرف الليل
كلمات: سلطان الحويقل وسلطان بن بشيّر
أداء: خالد ال بريك