كلمات اغنية جو الشتاء - مشعل الشراري
دفعني على بابك نسيم الغلا مرتاب
وانا احس في راحة شعوري على بابك
ياخلٍ غيابه ما تنافس مع الغياب
عليك المعاتب والمشاريه بغيابك
أنا كن في جوفي جمر يطرقه هبّاب
وهج خافقٍ قام يتمادى به اعجابك
ترى حر فقدانك مثل ضربة المخلاب
على صدر من شاف الهناء داخل اهدابك
طيوفك تمر وينفتح لإشتياقي باب
واسامرك في ليلٍ علي مابعد جابك
اثر طيفك يشابه طرف خدك النّهاب
سرقني وشوّقني على سمع ترحابك
احنك بقلبٍ عن مسير الغزل ما تاب
عثا فيه تقصيرك ألا ليت يهنى بك
مثل ما اشوف ان منزلك ما عليه ضباب
أشوف اني مبدا على الغير وأولى بك
وجو الشتاء يالمرهف الطاغي الجذاب
بدونك يضيّق خاطراً بالغلا ذابك
وجو الشتاء بمواصلك منظره خلاّب
اشوف الغيوم وقربك وريحة اطيابك
اذا هل ديم المزن من فوقنا سكّاب
اعلمك كيف اني اموت ابك واحيى بك
وجو الشتاء بمواصلك منظره خلاّب
اشوف الغيوم وقربك وريحة اطيابك
كلمات أغنية جو الشتاء
كلمات : احمد مقبل الشراري
أداء : مشعل الشراري
توزيع ومكس : تون لايف