كلمات اغنية حضن مطار - سلمى عادل
مش هطلب منك تاني كلام
ولا هتعلق بوعود
أنا مش هشحت منك احساس
أو حب مهوش موجود
أنا مش هستنى تشوفني قرار
وأفضل بتمنى انك تختار
ولا تعوضني بحضن مطار
علشان مش ناوي تعود
أنا قلبي معاك مش ناوي
يفضل في متاهه ودايرة خوف
مش عايزاك فيا تداوي
أو تعمل بمشاعرك معروف
ربنا يسعد أيامك
والحظ يكون أحسن وياك
وعن نفسي أنا اخدت قرارى
وقراري الصح بإني انساك
مش فارقه معايا تحس بإيه
ولا ليك جوايا رصيد
لو قربك جنه أنا مش عايزاه
هختار البعد أكيد
أنا قيمتي كبيرة وراسي لفوق
وكرامتي دي ليها عليا حقوق
وعشان كده همشي بكل هدوء
من غير ما أعيد ولا أزيد
أنا قلبي معاك مش ناوي
يفضل في متاهه ودايرة خوف
مش عايزاك فيا تداوي
أو تعمل بمشاعرك معروف
ربنا يسعد أيامك
والحظ يكون أحسن وياك
وعن نفسي أنا اخدت قرارى
وقراري الصح بإني انساك
كلمات أغنية حضن مطار
كلمات: محمود كلازا
ألحان: مصطفى إبراهيم
توزيع مكس وماستر: أحمد علي