كلمات شيلة الوفا - مبارك الدوسري
الشدايد علمتنا العدو من الصديق
والتجارب عدها المر حلينا عليه
الوفا يجعل من الطارف الك اخٍ شقيق
والردا لا صار من لخ يبعده من اخيه
والرفيق اللي يوفي مواجيب الرفيق
جعل صلفات المقادير تبطي ماتجيه
هذا ابو نايف راع الطيب والساس العريق
سعد والله من تنصاه لا ضاقت عليه
طيب راس وجود يمنى مع احجاج طليق
ومجلس من ضامه الوقت ركنه يحتميه
مجلس ماصك بابه لرواد الطريق
شرّعه قرمٍ عسى الخلد مسكان لبيه
في بحر جوده ياكم واحدٍ اصبح غريق
عاده له ينثني دون من جا ينتخيه
في فقاره نجد متفردٍ كنه طويق
نايد يامن به اللي قسى الوقت يحديه
كل مدحٍ فوق فعلٍ مثل سمن ورحيق
والكلام الصدق مرٍ على اللي مايبيه
من نصى مثل ابن درمان والله مايضيق
جعل عباد الملايين منذورٍ عليه
قلتها والصدق من فضل ربي لي طريق
والهزل والزيف ما حن من اللي يهتويه
انا ابن سربان والعز لسمانا عشيق
ومدحنا اهل الطيب قولٍ نعده ونحميه
كلمات شيلة الوفا
كلمات: ظافر بن حمد سربان ال فطيح
اداء: مبارك الدوسري
توزيع: أيمن مخاوي