كلمات اغنية اختلفنا فرقنا افترقنا - أنغام
إختلفنا عن زمان فرقنا، فافترقنا
كل واحد فينا راح لحاله واتفقنا
اننا خلاص مش لبعض خلص طريقنا
لا احنا أول ولا احنا آخر ناس بعدنا
وبتمشي الحياه
بنعيش وبنعرف ونقابل
وبنضحك نسهر ونجامل
مفيش قصة حب بتكمل
مفيش فينا ولا واحد كامل
أنا بس في اخر الليل بضعف
أول ما ابقى لوحدي أنا بعرف
ان انا مش هنساك بالساهل
قالوا مابتقفش على حد الحياه
وانا حياتي موقفتش
بس معشتش يوم
زي اللي عشته وانا معاك
في حاجات كتير راحت خلاص
مع غيرك منفعتش
في نسخه مني مش بعيشها
الا وانا وياك
هو قدرنا ولا اختيارنا
ولا اللي جرى كان ايه
يا ترى انت برضه بتحس زيي
ولا انت عامل ايه
ولا الكلام عن اللي فات
مبقاش يفيدنا
لا احنا أول ولا احنا آخر ناس بعدنا
وبتمشي الحياه
بنعيش وبنعرف ونقابل
وبنضحك نسهر ونجامل
مفيش قصة حب بتكمل
مفيش فينا ولا واحد كامل
أنا بس في اخر الليل بضعف
أول ما ابقى لوحدي أنا بعرف
ان انا مش هنساك بالساهل
بتمشي الحياه
أنا بس في اخر الليل بضعف
أول ما ابقى لوحدي أنا بعرف
ان انا مش هنساك
كلمات أغنية اختلفنا فرقنا افترقنا
كلمات وألحان: عزيز الشافعي
توزيع: طارق مدكور
ميكس وماستر: طارق مدكور