كلمات اغنية الوسم - نياف تركي
يا أم سالم خافي الله على القلب السقيم
ترفعين الصوت ويجاذبش نوح الحمام
لا تحسبيني من الوقت والدنيا سليم
والله ان قلبي من اللي وزا فيني حطام
جيت زابن فهجريه ابنسى كل ضيم
ثم لقيتيني بصوتش عسى حالش عدام
جعل نوّن ناض برقه وليله به نسيم
كن تشعشاعه ورا النو ثايربه لغام
مع دخول الوسم غادٍ لشعبانه وشيم
ريضٍ ودان خمسين ليلٍ بالتمام
مع دخول الوسم يسقي ديار ابناء عجيم
من ورا صلب هجريه وشرقيه وشام
يدرج مبهل من السيل يقتش الهشيم
من كسر عباد تشرب طويلات العظام
لين يسلا خاطرٍ حل بطرافه حثيم
من غياب اللي بعدها علي الدنيا سلام
يافهد مشكاي وانا تبلاني اليتيم
اليتيم اللي قبل عام لثم باللثام
غشمريٍ عاتقه عاتق البكر الرزيم
كل مادفلج ولدها تعديها الجهام
شبه وضحٍ عوبليه لها ساسٍ مقيم
ربعت ساقان عقب الصفاري في جهام
لين قامت تردم الني من فضل الكريم
والشحم جايٍ له احجوز من تحت السنام
كن تسنادت لحيها مركب فيه سيم
تشرب الماء ان جابه الله من بطون الغمام
لوحت اللي يرفع الصوت جالت تقل ريم
ذيروها اهل البواريد عجلين الولام
كل مازاع الدبش سربت كنها غريم
تنفض الجندوب كن حذفها حذف النعام
يوم ضاق الريع فالطرش جات الها صريم
ترتبع تو العشاير مطيشها الكلام
عند صملٍ راح عمره يحسبونه عقيم
عنده ان السوم والبيع فالهزعا حرام
كل حول اتحيل ماتقرب الزمل الحشيم
مايبي ينقض بها الحال ملعون الرسام
كل يومينٍ تبدل على روض ونعيم
تحت دبرت شامريٍ مايمشي بالنظام
صاملٍ مصلاح لاهو ضعيف ولا غشيم
فيه شر وفيه خير ويضيم ولا يضام
جعل يسقى يوم ذكري معى الناس العديم
قبل تلزمني المشاغل ويلزمني الدوام
كنت احسب ان الليالي عوافيها تديم
ماهقيت انها مقافي ولله الدوام
كلمات أغنية الوسم
كلمات: عبدالله بصيص ال شامر
أداء: نياف تركي