كلمات شيلة يا نزيه العرض - منير البقمي
يا بعد عمري وضحكة حاجبي وايامي
يا بعد كل السنين الماضيه والجايه
يا بعد حرف القصيد ودفتري واقلامي
يا مرض قلبي وعلة خاطري ودوايه
يا سبب جزالة ابيوتي واصل الهامي
كل ما جت بك قصيده تدهش القرّايه
كل جزله فيك فيها بصمتٍ لبهامي
هاجسي ماخذ من المعبود فيك وصايه
ليتني اقدر يا هوى الخفاق اسج اقدامي
وانطلق في يمتي واسري مع السرايه
منزلك في القلب يا هادم جميع اصنامي
كن ربي باعثك للي عشقك هدايه
وجيت لك وانا مركز في هواك اعلامي
قلبي وروحي وعقلي كلها شرّايه
الوسيله حبك وعشقك يا كل احلامي
وغير وصلك يا غناتي مال عايض غايه
ماني طايع بك الشمات واللوامي
كل طيب له عدا شف كيف كثر اعدايه
من كثر ما يكرهوني فكرو بعدامي
دايم ضعاف الروابع للردى غوّايه
البلا ان السيف سيفي والسهام سهامي
والسهم صوب حشاي ولا كسر لي رايه
وانت لامني فقدتك فاقدن لحزامي
كيف تزعل وانت من دمي ومن مجنايه
جيت لك يا سيدي بالضيق حامي حامي
وقبل تبدى بنهيارك منهدم مبنايه
يا نزيه العرض قدرك داخلي متنامي
قدسك قلبي تقول انه مقدس آيه
ايه لك فالقلب عرش ولك مقامٍ سامي
لكن ظروف الزمن ماهي على مشهايه
يا عريب الساس سامح زلتي واجرامي
كن قلبي ينبري منك على برايه
يا حياتي عدها رميه بليّا رامي
طالبك يا نور عيني لا تجيب اقصايه
والله ان الحزن بان بوجهي وسلهامي
والوله خلا ذيابة خافقي عوّايه
ضاقت ابي المستديره وضاق بي هندامي
اشهد اني احتاج لمهدي قوي ورعايه
كل ما تطري على قلبي تضيق انسامي
ولا توسع ضيقة رقيه وماي قرايه
كلمات شيلة يا نزيه العرض
كلمات : عايض العتيبي
الحان واداء : منير البقمي