كلمات اغنية وينك تعال - عبدالله الصخابرة
وينك تعال انا بدونك حزيني
من يوم غبت القلب فارق مقره
انت القصيد اللي تشوف وحنيني
لولاك ما قلت الشعر كل مره
ماهو طرب لكنه احساس فيني
الشوق عذّبني وحسيت حَرّه
يا ناكر العشره عطيتك سنيني
سايرت طبعٍ فيك خيره وشره
نسيت يوم انك معي ياضنيني
اعطيك حلو الوقت ماشفت مُرّه
مديت لك كفي وراحة يديني
وادرى عليك من الزعل والمضره
لاجيتني ضايق عطيتك يميني
ماتروح لين ارضيك ماتهل عبره
مدري وش اللي صار بينك وبيني
اوجعتني وحطيت بالقلب جمره
صبرت حين وقلت يمكن تجيني
ونسيت من عاهدت واعطاك عمره
من كثر شوقي شايفك محتريني
وماعاد ذاق القلب انس ومسرّه
وماعاد ضاق القلب من لايميني
قالوا شكى بعده وما طاق هجره
لو كان غيره كان قلبه يليني
ماهو بيجفى واحدٍ جاء يبره
قد كان دايم بالهوى محتويني
اقفى وفي غيبته ما بان عذره
ماله شبيه وخالقه مبتليني
ياليتني ما شفت حسنه وثغره
كلمات أغنية وينك تعال
كلمات : علي فازع القرني
اداء : عبدالله الصخابرة
توزيع ومكس : ايمن مخاوي