كلمات شيلة مثل القمر - الوليد ال عامر
يامل قلبٍ تبرد شعوره
من غيبتن غابت سبايبها
الليل ذابحني بديجوره
يوم السهر عيني مصاحبها
يا عنق موزٍ ماخذن دوره
اكثر من الحاجه لطالبها
حلوه ودلوعه ومغروره
قامت تعزوا لي بشايبها
في ضف بشت العود مسروره
مدللة ماضاق حاجبها
اليا لعبت تلعب بباكوره
هي تفتخر في عود ناجبها
يخشى عليها الوقت وشروره
ويصرف عليها فوق راتبها
بنت الدلع من قوم مخبوره
وبنص عين تشوف خاطبها
قد رد عنها قوم منعوره
وهو حالف ايمين لقرايبها
اليا رضت تمشي على شوره
واليا زعلت جاها يعاتبها
ما تفرح الا بأرض ممطوره
والنود لا هبت هبايبها
والعشب لا من فاحت زهوره
كنه وهي تمشي يلاعبها
جديلها ليلٍ فقد نوره
وانفاسها ألطف من براد ابها
مثل القمر بالشكل والصوره
هي زينها طاغي وعاجبها
غروٍ تشوف الزين بحضوره
ولا الفلاتر ماتواكبها
ماطبت السوق وتبا عطوره
بعض الاماكن ماتناسبها
ماتعشق الا دار اخو نوره
الارض ما داجت مناكبها
كلمات شيلة مثل القمر
كلمات : سلطان بن شلاح
اداء : الوليد ال عامر