كلمات شيلة ما يعيش الا من يصير ملعون ارقبه - جفران هضبان
كل وقفة عز عنها مانيب ارخي واحيد
قدمو فنجال الافكار الاول واشربه
اتخير في الفرايد وفي القاف الفريد
ولا نتخت الا فريده ودره وذهبه
شاعرٍ من روس هيلاً أولو باسٍ شديد
لاوقف وقف هل النظم واهل الملعبه
عرضوني راس رجمٍ عن العالم بعيد
ودي ابحر مع خيالي واعيش التجربه
متشتت ذهن مالي ونيس الا القصيد
لاكتبته من مواقف وصادق تجربه
لاتصير اللي يقولون جعله مايفيد
ولا تصير بعيرٍ يقوم كُلن يشعبه
خل رايك كُل ماختلفت الارياء سديد
ولا تجامل مخطي وصل لله واطلبه
ما يعيش مجامل الناس والقلب الرعيد
ما يعيش الا من يصير ملعون ارقبه
انحر اللي كل مازادت البلوى يزيد
ولاتسندها لغيره ووقف وانتبه
الكفو يقضي لزومك وقلبه من حديد
والردي يا لعنة الله على من عقبه
اتركه لارحم جده وهو ملعون سيد
دله الباب المشرع ووجهه يقلبه
كل وقفة عز عنها مانيب ارخي واحيد
قدمو فنجال الافكار الاول واشربه
اتخير في الفرايد وفي القاف الفريد
ولا نتخت الا فريده ودره وذهبه
شاعرٍ من روس هيلاً أولو باسٍ شديد
لاوقف وقف هل النظم واهل الملعبه
محتزم لظروف الايام بحزامٍ جويد
من تحزم فيه يبشر بعزه وعجبه
وانت يا عبدالله نعدك سلاح ورصيد
كن ربي خالقك للامور الموجبه
قو عزمك يشبه لعزم هارون الرشيد
ومن شجاعة طارق زياد يربطكم شبه
وفيك من حاتم لابلاه حاتمنا الجديد
وجاهك يحل المصايب ويفتك ارقبه
تنتهي كل الدعاوي وتصبح يوم عيد
لاتركى فوق مركاه وافتل في شنبه
ذاخره سيف ابن سالم عسى عمره مديد
بينه وبين المواجيب شيٍ يجذبه
شايبٍ ما شاب عزمه ولا يعرف يهيد
يخضع له المدح حتى يقبل منكبه
هيلعيٍ راسه اصوك وفزاع النجيد
قلدته فعول يمناه بأعلى مرتبه
ايه يا عبدالله وتبغي العلم الاكيد
تبطي بطون النسا مثل راسك تنجبه
يكفي انك لابو خالد على اليمنى عضيد
اليمين اللي تضد الخصم وتهيبه
في يمينه مثل حرٍ بمخلابه يصيد
والثقه لاجات مثلك ماهي مستغربه
يا سلايل عزوتن يوم بقعا ماتهيد
مجدهم تبطي دواليب بقعا تشطبه
قحطان اصل العرب واهل المجد التليد
مجدهم ما تحصره في رفوف المكتبه
كلمات شيلة ما يعيش الا من يصير ملعون ارقبه
كلمات: مشعل السميري
أداء: جفران هضبان