كلمات شيلة فديت وجهك - غريب ال مخلص
ان نمت جا طيفك على هيئة احلام
وان قمت جا طيفك بهيئة حقيقه
فديت وجهك كل ما اصحى وما نام
وجهك فرقه اللّٰه بين الخليقه
واعطاك جسمٍ فارقٍ بين الاجسام
بحراً من الفتنه وخصرك مضيقه
ماطاح ملبوسك ولا يبغي حزام
حوضك يوقف لا وقع في طريقه
وش ذا القوام اللي جمع عدة احجام
ووش ذالمتن كله مع انك دقيقه
المفترض من باب منعاً للإجرام
ما يتركونك في الشوارع طليقه
ياما كسب وجهك من الفتنه آثام
شوفي لكفارة اثامك طريقه
ماهمني دونك عواذل ولوّام
الى رضيتي كلهم في حريقه
تدرين ليه اليوم في غيبتك عام
وتدرين ليه البعد مانيب أطيقه
تحسب غيابي بالليالي والايام
وانا احسبه بالثانيه والدقيقه
من ضاع قلبه في غرامك ما ينلام
الوجه فاتن والمناسب عريقه
عينك نذير الموت لو تلبس لثام
وريقك عسل صافي وثغرك رحيقه
كلمات شيلة فديت وجهك
كلمات : وضاح
أداء : غريب ال مخلص
توزيع ومكس : احمد حبيب