كلمات اغنية اسياد الفخر - خالد ال بريك
بين تقليب المواجع وتأثير الرسوم
والظروف اللي تبي صبر مع قوة عزم
اتقلب واتعرض لواهيب السموم
كني اطالي على شوك سمرٍ في حزم
وان تمادى حظٍ اسود مثل ظلع الجموم
يالله بحظٍ يجي مثل وجه المتلزم
لا تلحقني وانا ابوك يوم اغيب لوم
انطح وجيه المواجيب واعزم وانعزم
يا بناخي سيف انا سيف ربعي فاللزوم
اعرض بسيفك وانا ابوك واطنخ واحتزم
الفخر معطيك من مصدره كل الختوم
واسم جدانك ليا شافه الطايش بزم
لا تراكي غير بيض الكواكب والنجوم
طاول اطول ظلع ويصير في جنبك قزم
دون ربعي ما تريحت لو قيل مخدوم
اترك اللي يوعد ويحلف ولا ينلزم
ربعي اسياد الفخر كل ليل وكل يوم
من غلاهم كل واحد ولد عمي لزم
من طناختنا عن الكلمه الهزله نشوم
تعترض فالدرب ونحطها تحت الجزم
ويوم كان الوقت ما فيه معطى ومحروم
القوي يقلط صدر والضعيف ينخزم
قسمنا من فضل ربي من خيار القسوم
نضرب بسيفٍ مايرحم وشلفاً ما تزم
خل عاد اليوم والدار محمي ومحكوم
بالرخا والامن في ظل سلمان الحزم
والمواقف بين روس الرياجيل القروم
ما تقاس بروس الاموال شيكات ورزم
ياولد عايض تبجح عسى افراحك تدوم
كلنا ربعك وعندك نرحب وانعزم
انت ذخر الشايب اللي معلمك السلوم
مستحيل انك لطيش الجهاله تنهزم
عايض اللي دايم اسمه مقدر ومحشوم
لا تقدم ما تعذر واذا واعد جزم
الكرم منهاجه ومنهج إخوانه عموم
من وفاهم كل واحد فالآخر محتزم
حي صيت عيال شعوي قويين العزوم
عودٍ يعشق الصعايب ويكزمها كزم
تحت الارض وسمعته باقيه فوق الغيوم
يعتبر للحين عايش ويذبح ويعزم
كلمات أغنية اسياد الفخر
كلمات: عناد الشيباني
أداء: خالد ال بريك