كلمات اغنية كسروك يا قلبي - حمو القماش
اللي خانوا أقرب ما ليك
طمعوا فيك ولعبوا بيك
قلّوا منك كسروا قلبك
جرّؤوا الأغراب عليك
كسروك يا قلبي الغدارين
ملهومش دين دول شياطين
حبوك عشان ييجوا يجرحوك
يارب أشوفهم مكسورين
وأنا هدعي ربي يجيبلي حق دموع عنيا
وأشوف عيونكم مكسورين وتحسوا بيا
كل اللي هتقابلوه في حياتكم من النهارده
ده ذنبي قلبي وجرحكم فيه مش شويه
شرحتونا حتت ورميتوا
كل حياتنا ولا اتهزيتوا
ورقصتوا كمان على أحزانا
انتوا سوادكم غطا عليكوا
ياما إدينا ولا إتحبينا
كانوا في إيدينا وضحكوا علينا
مش هسمعكوا ومش هسامحكوا
علشان جرحكو علِّم فينا
اللي صانوا العشره مين
هما فين مش موجودين
فص ملح وداب في لحظه
ماقدروش عشرة سنين
أنا كنت طيب بين إيديكوا
أنا كنت حالف أبقى ليكوا
طب ليه بعدتوا وسيبتوا قلبي
طب ليه كده بالله عليكوا
حبيتكوا بس الظلم منكم كان نصيبي
خليتوا قلبي خايف يدق لحد غيركوا
مبقتش عارف مين عدوي ومين حبيبي
بكره تدوقوا المُر كله من عمايلكو
شرحتونا حتت ورميتوا
كل حياتنا ولا اتهزيتوا
ورقصتوا كمان على أحزانا
انتوا سوادكم غطا عليكوا
ياما إدينا ولا إتحبينا
كانوا في إيدينا وضحكوا علينا
مش هسمعكوا ومش هسامحكوا
علشان جرحكو علِّم فينا
كلمات أغنية كسروك يا قلبي
غناء: حمو القماش
ألحان: مصطفى مجدي
كلمات: خالد الشعراوي
توزيع موسيقي: سيدو