كلمات اغنية سوق الغلا - أسعد البطحري
صاحبي اعطف علي ولا تهون
لا تخليني على يمنى بخيل
انت في سوق الغلا وانا زبون
والله اني فيك ما مد القليل
كل شي يفداك والدنيا تهون
ما تساوي لفّت الطرف الكحيل
انت لو لديت بأطراف العيون
نظرتك تشفي بها قلبٍ عليل
لنك انته كون والعالم بكون
مستحيل أحب غيرك مستحيل
انت سكّرت الزوايا والركون
وصار في قلبي مباتك والمقيل
انت نازل والعرب شدوا ضعون
قرروا من دارهم شد الرحيل
في عيوني بين دف وبين نون
ماتشوف الدمع في خدي يسيل
وما تشوف الحال كل يومٍ بدون
ومن سبابك صايرٍ حالي نحيل
يا جميل الخد والطرف الفتون
ما مثيلك غير كشافٍ بليل
يا سنا براق لامع في مزون
يقتدي به في الدجى عابر سبيل
فيك أصوغ الشعر واجر اللحون
وصرت همٍ لا يحيل ولا يميل
فيك أصوغ الشعر واجر اللحون
وصرت همٍ لا يحيل ولا يميل
والسلام اختام ياللي تسمعون
مستحيل أحب غيره مستحيل
صاحبي اعطف علي ولا تهون
لا تخليني على يمنى بخيل
انت في سوق الغلا وانا زبون
والله اني فيك ما مد القليل
كلمات أغنية سوق الغلا
من أشعار : الشيخ خالد بن طناف المنهالي
اداء : أسعد البطحري
مكس وتوزيع : تون لايف