كلمات شيلة عشاق الهوى - الوليد ال عامر
ياليل والله ما لقينا فيك خانه للصبر
بأسباب همٍ قدمه احلام الزمان مبعثره
كن النجوم اللامعه من ضلمتك جاها ضمر
ياليت لامني سريتك هم قلبي تضمره
جميع عشاق الهوى تطرب على ضو القمر
وانا على ضوه من الضيقة فقدت السيطره
اليا سمعت اللي يجر الصوت ويشد الوتر
اقول يا هجس القصيد اجمع شعوري وانثره
كن الطموح اللي رسمته في حياتي يحتضر
عدا عليه الوقت واصبح وسط نارٍ مسعره
واصبحت من بين التفاني والتفاول والخطر
احاول اصبر والصبر ماكل رجلٍ يقدره
ياكون ربي ياسماء يا البر يا موج البحر
انا الاسير اللي نفذ صبره ولا حدٍ حرره
اخاف اعلق هقوتي في الغيم ثماً ينهمر
ويعل كبد اعداي من صافي قراحه ومطره
ماشدني غير الكريم اللي مايحسب للفقر
ولاجذبني غير من كله حلاة وغندرة
الله من قلبٍ يصيبه شوق ويصيبه قهر
ودنا سبب عارض جدير انه يعود يذكره
ترا الحبيبه لو تحلى بالتغطرس والكبر
انا ادري انها ما لقت من زمت الحب ثمره
دايم معي تستخدم اسلوب الهزيمه والنصر
اليا اقبلت واليا ادبرت بين المشي والبختره
هاذي بداية كل حلم ومنتهى كلمة شكر
الها من الحب اعظمه والها من الشعر اندره
تمت بيوتي مثل نظم السلك في وسط الدرر
ما باقي الا تكتمل وتصير في وسط نحره
يا الفاتن اللي مهنتك جلب السعاده للصدر
ضاع العقل فالقلب يالله العفو والمغفره
واللي يقول الحب ينقص من طويلين الشبر
اقول وش خلا العرب تعرف فعايل عنتره
اخذيني المالا نهاية واستمري واستمر
انا معك طفلٍ يشوف ان السعادة تغمره
عشتك قصيدة تستفز الصمت لين اخر سطر
عنوانها الحب الحقيقي والغلا والمقدره
عسا نتيجة حبنا ماهيب ترجع للصفر
وعسى كسر سود الليالي بالوصال نجبره
انا انتحاري في سبيلك جازف بكل العمر
يشوفك انتي قدم عينه والمنية فظهره
كلمات شيلة عشاق الهوى
كلمات : فيصل السحيل
أداء : الوليد ال عامر