كلمات اغنية قبلت التحدي - رامي جمال وحمزة نمرة
لسه في الأيام بقية
لسه في الأحلام كمالة
إني أخسر مش قضية
بس أسلم إستحالة
الحياة رايحة وجاية
يعني مش مستقصداني
حتى لو هزعل شوية
بكرة تضحك ليا تاني
كل حاجة ضايعة راجعة
كل جرح وليه نهاية
النهاردة نبكي دمعة
بكرة نفرح دي الحكاية
في قلوب أوقات تخونا
في قلوب غيرها غلابة
إحنا مش عايشين في جنة
بس بردو مش في غابة
حابب المكتوب وراضي
كل واحد خد نصيبه
واللي راح من إيدي عادي
هيقابلني في يوم وأجيبه
سهل أحرك أي ساكن
خطوتين وأسبق وأعدي
دنيا واتحدتني لكن
أيوه أنا اقبلت التحدي
كل حاجة ضايعة راجعة
كل جرح وليه نهاية
النهاردة نبكي دمعة
بكرة نفرح دي الحكاية
في قلوب أوقات تخونا
في قلوب غيرها غلابة
إحنا مش عايشين في جنة
بس بردو مش في غابة
كلمات أغنية قبلت التحدي
كلمات : محمد أبو نعمة ومحمد النادي
ألحان : محمد النادي
توزيع : وسام عبدالمنعم
مكس وماستر : هاني محروس