كلمات اغنية ليه البدايات مش بتطول - ليل المحمدي
ليه البدايات مش بتطوِّل
ليه قلوب حبايبنا بتتحول
بعد ما نبني حياتنا عليهم
نرجع أغراب زي الأول
بنسيب نفسنا ونعيش ليهم
ناخد من روحنا ونديهم
نقاسمهم أوجاعهم واحنا
أوجاعنا بتيجي على إيديهم
كل ما نقرب لحلم
البعد يسبق مانطلوش
البعاد يقسم في روحنا
اتنين في سكه ما يتلاقوش
نعيش بنُص عايش يحن
لنص تاني ما حنّلوش
نُص ساكن فيه وجع
ونُص تاني محسهوش
بنقابل ناس ونودّعهم
ونعيش نتعذّب بوجعهم
بيروحوا يعيشوا وينسونا
ونفضل نتعشّم في رجوعهم
الحب نصيب ملناش فيه نصيب
دايمًا نتعلّق باللي يسيب
نستنى سنين علشان نتحب
نتحب أما الحب يغيب
كل ما نقرب لحلم
البعد يسبق مانطلوش
البعاد يقسم في روحنا
اتنين في سكه ما يتلاقوش
نعيش بنُص عايش يحن
لنص تاني ما حنّلوش
نُص ساكن فيه وجع
ونُص تاني محسهوش
كلمات أغنية ليه البدايات مش بتطول
غناء: ليل المحمدي
كلمات: هبة علي
الحان: ليل المحمدي
توزيع، ميكس وماستر: صابر ڤان بيرسي