كلمات اغنية بعدك أذاني - رامي جمال
بُعدك أذاني
خَلّى كل حياتي فاضية
مابقيتش عني الدنيا راضيه
بُعدك انت ضربة قاضية
خَلّصِت عليا أنا
بَعدك بَعاني
كل حاجة بشوفها ناقصة
والوجع ملازمني لسه
بُعدك انتَ بجد كارثه
كَبّرتني ١٠٠ سنة
وبَحَلّفَك بكل غالي يا غالي ترجع ليا
وحشتني وكل حاجة فيك وحشت عينيا
بَحَلّفَك بوعدنا وليالينا واللي بينا
وأنا مافتكِرش حبيبي إن اللي مابينا شوية
واقف مكاني
ماعرفتش آخد خطوة واحدة
حاسس بخوف وفراغ ووِحدة
مش راضي أبداً جرحي يهدى
ولا لياليك بتتنِسي
ماغِبتش ثواني
عن بالي ولا غيرك شَغلني
والحنين والشوق قَتلني
عَمّال قلبي عليك يسألني
ولا عُمره عليك قِسي
وبَحَلّفَك بكل غالي يا غالي ترجع ليا
وحشتني وكل حاجة فيك وحشت عينيا
بَحَلّفَك بوعدنا وليالينا واللي بينا
وأنا مافتكِرش حبيبي إن اللي مابينا شوية
كلمات أغنية بعدك أذاني
كلمات: حسام سعيد
ألحان: عمرو الشاذلي
توزيع، مكس وماستر: أحمد أمين