انا شاب شكله بقا اكبر من سنو - عصام صاصا وكيمو الديب

كلمات اغنية انا شاب شكله بقا اكبر من سنو - عصام صاصا وكيمو الديب

لو تسألوني مين اللي خانوني
واللي باعوني هرد وأقول
خلاك يا قلبي عايش يا قلبي
وحيد معايا مالناش حبيب
شكرًا بجد لكل حد وجعني
أصل الوجع علّمني
الجرح علّم فيّا على طول بنام زعلان

آه من الألام ما بقيتش أنام
أنا مش تمام أنا فيا ايه
على طول حزين
واللي يشوف شكلي لازم يزعل عليه
عمري ما بشكي ولا عارف أحكي
أنا بس ببكي كده في سكات
جابوا الطبيب يعالجني قال
إزاي هعالج شخص مات؟

أنا شاب شكله بقى أكبر من سنّه
موجوع من اللي منو
وحبايبه مش بيحنّوا وكله جاي عليه
والدنيا واخدة مني كل حد بحبه
أنا اللي عاشها لوحده
ووجعه جوّه في قلبه
وبحور دموع في عينيه

لو تسألوني مين اللي خانوني
واللي باعوني هرد وأقول
اللي أنا كنت بحبهم
وكنت معاهم على طول
ساقوني مرّ شربت مرّ
والعُمر مرّ ماهو النصيب
خلاك يا قلبي عايش يا قلبي
وحيد معايا مالناش حبيب

شكرًا بجد لكل حد وجعني
أصل الوجع علّمني
خلّاني أفهم إني ماديش لحد أمان
لو أعيش لوحدي
أحسن ما أعيش في قسية
مع ناس بتيجي عليا
الجرح علّم فيّا على طول بنام زعلان

يا صاحبي قولي هو انت
لما ضحكتلي وقلت حبيبي
كان قصدك أنا ولا انت قصدك
إنك يا صاحبي بتحب جيبي
عينك معايا ماشية ورايا
واللي في إيدي بتموت عليه
حتى الطبق اللي قلبته
هو اللي كلت معايا فيه

صاحبت نفسي أصل الصحاب أندال
خط الخيانة شغّال
كلمة أخويا تتقال
إزاي بخيانة
كلها ماشية بمبدأ الغشومية
مش ماشية بالأخوية
بقا آخرة الصحوبية نومه في زنزانة

حبيبتي فوقي ما تفكريش
إني في بُعدك هعيش حزين
أنا بقولك إن انتي حبك
عادي يتنسي في يومين
أنا عمري ما أزعل ع اللي باعني
أنا اللي باعني لازم يتباع
فاتح باب الفُراق بنفسي
واللي يمشي بقوله وداع

رسالة للي سابني بقولو انساني
اما امشي مش باجي تاني
وعشانك مش علشاني
ما تجيش تقوليلي نرجع
عشان هتسمعي كلام كتير يوجعك
خلّي التاني ينفعك
هييجي يوم يجرحك
وتصرخي مش هسمعك

كلمات أغنية انا شاب شكله بقا اكبر من سنو

غناء : عصام صاصا وكيمو الديب
كلمات : مانو الجاحد
توزيع : كيمو الديب