كريم كرستيانو - كلمات اغنية عامل حكاوي وبتاع دكن

كلمات اغنية عامل حكاوي وبتاع دكن - كريم كرستيانو

يلا يا جربانة
بطلنا نرمرم خلصانة
خلينا نشوف اللي ورانا
مش ناقصة تسول هي

عامل حكاوي وبتاع دكن
عايش مطارد ماليش سكن
أخوك في أي سجن اتسجن
بقيت خطر ع الأمن العام
أنا خصمي شافني جلّى وهرب
ما الدنيا في حضوري تتقلب
أنا حي ميت أنا بتطلب
محكوم عليا غيابي إعدام

كلمة لأخصامي
ما بيشغلنيش أي أسامي
أحسنلكو رزمنوا قدامي
لا هرزمنكو بمعرفتي
أنا لو شفتكو
هكسر ع الدُغري بنفسكو
وبرجلي هدوس على وشكو
أعدائي ما انتي اللي كرفتي

ما بشوفش حد ولا بعتمد
‫وفي العراك معدِّي الـ Limit
لو إنتَ على حد متسند
فأنا سندي ربنا غير كده لأ
نصيحة ليك مني تنفعك
رزمن ما حدش هينفعك
أنا ع الملأ ياض بسمعك
مش هينفعوك يا اللي بتتزق

إسمع يا إبنها
أنا حقي بجيبه في وقتها
إكرف على مظبوط عندها
هنا تتهور تتعور
قبلك جسِّني
إتسكِّن في القصر العيني
أنا بخبط مش بيهمني
هديك كام غرزة تنوّر

عيال أونطة وبتوع نِمَر
صحاب منين ده حبة عرر
جنبك يا صاحبي بس في صور
إحتاجتهم يعملوا خلَعون
مقاطيع علينا متسوحة
لأجل قرش أو مصلحة
منك ما فيش يابا منفحة
مافي كلب يرفع يوم تليفون

أخوك من الزرايب
ومالوش ولا صحبة ولا قرايب
ولا عمري بماشي في يوم خايب
لأ أخوك على كيفك يا أسطى
‫مبدأي مش للـ Money
وحريم الكون ما تهزني
بالحب الناس بتحبِّني
متصيت من غير واسطة

دايرتنا مسمّعة
جدعنة ورجولة ومجدعة
ده مشرّف شارع المطبعة
محمود العربجي حملة
الوحش ده من صفط
وشعاره برة وجوة صرفت
هنا تتخيط لو خرّفت
في ثواني تسف الرملة

شاتك معايا حابّة تشوفيه
‫خدي Screen لو انتي نسيتيه
للذكرى برضه إحتفظت بيه
‫يا بتاعة ممكن نتعرف
كلام على الفاضي مش عايز
يا بت فوقي انتي ع البايظ
دي شرّطت وشربت آيس
وهسهست وبقت بتخرّف

يلا يا جربانة
بطلنا نرمرم خلصانة
خلينا نشوف اللي ورانا
مش ناقصة تسول هي
كنت منظفك
جربوعة ومين كان يعرفك
ده أنا شبشب رجلي يشرفك
فوّقي ده انتي شوارعية

حلالي هو اللي أولالي
ما بحبش إلا أم عيالي
هي اللي بس تشغل بالي
أما البواقي حبة تسلية
حبيبتي آية ملكة جمال
في عيني حاجة فوق الخيال
ليكي العيون يا قلب الغزال
والله ما بحبش غير هي

أختي وصاحبتي
ومراتي وبنتي ودنيتي
على وشي بترسم ضحكتي
مش برتاح غير ويّاها
عمري ما خُنتها
وإن خُنت بخون وأرجعلها
نسوانجي لكني بحبها
من يومي دايب في هواها
خد يا أونطجي
فكك من الكدب يا هريجي
تيجي مع محمود العربجي
إنتَ في إنعاش تتسّكن
أبو يونس الفيل
دبابة مش شايف هلاهيل
خصّمت بطاطا وقتي تشيل
خد جنب يا كارف وإركن
الزلفي المظبوط
ما بيشغلهوش ياض هلفوت
يوم ما تجيله على سكة تموت
في حروبه دايمًا متمكن

يا رب فك ضيقة الأسود
إخواتنا رحلة تحلى وتعود
فاروق أبو رحيم غايب موجود
دايمًا في العقل وفي القلب
أحمد الإسود سيطرة
سندال وعمره ما جاب ورا
مسا لحموصة عبد الظاهر
فك الحديد من إيده يا رب
كريستيانو عامل احتلال
‫ما فيش Level معدِّي الغزال
جن البلد ده بابا المجال
‫مصطفى الجن كلامه ترند
الأوش يا صاحبي ما بيشغلوش
ما بيعتمدش أشبال ما جوش
والله جنبه ما تتذكروش
‫يوسف أوشا ده اسمه Brand

إداراتنا الجبارة
حسن الديزل أعلى إدارة
إسلام السني ده سيطرة
هما وحوش العلاقات
المصري مع غزالة
إخواتي المافيا الرجالة
باندا وحاتم عملوا إزالة
للكل في التصميمات

كلمات أغنية عامل حكاوي وبتاع دكن

مهرجان : عامل حكاوي وبتاع دكن
غناء : كريم كرستيانو الغزال
كلمات : مصطفي الجن
توزيع : يوسف اوشا