كلمات شيلة وصاله دواي - الوليد ال عامر
نصايح مسمين المحبه طريق التيه
ما تأثر على فكري وقلبي هو القاضي
لو أن طبعي أجامل راعي النصح ما أخطيه
يبقى النصح في شرع المحبه حكي فاضي
نتايج غرام اللي سبى القلب وأسرف فيه
سبى القلب وأنا قادره مير متغاضي
تربع على عرشه بعلم وخبر راعيه
بزعمه هذي مملكته شعوب وأراضي
مدامه مبديني على الكل بأبديه
له الحق فيما يفعله حاضر وماضي
تولعت فيمن زينه اليوسفي مطغيه
وسحايب وصاله عيت تبلل فياضي
على قل وصله عاذره وأعشقه وأغليه
وصاله دواي وبعده يجدد أمراضي
له اللي مضى من العمر والحاضر وباقيه
فداء خاطره يا جعلني فيه ما اعتاضي
يالبيه يا بعض المخاليق يالبيه
اجيء له وأنا زعلان وأرجع وأنا راضي
فعسى من وعدته دامني حي ما أخليه
يهييه ربٍ مالكٍ سبع عراضي
فعسى من وعدته دامني حي ما أخليه
يهييه ربٍ مالكٍ سبع عراضي
يهييه ربٍ مالكٍ سبع عراضي
كلمات شيلة وصاله دواي
كلمات : مبارك بندر المسعري
أداء : الوليد ال عامر
توزيع ديجيتال : الفان ميوزك