كلمات اغنية ولا اشكي - احمد دومه
يطول البال وانا رحال
في ارض الله قاصد بابه
سايبها عليه وعشمان فيه
يساويني بأحبابه
حلمت زمان أكوِّن بيت
اعيش مستور ساند بابه
لا دنيا تدور اكون معذور
وفقر يسنلي انيابه
ولا اشكي واقول مفيش على طول
وبختي يزيدلي في عناده
ماتسألنيش بعيش ازاي
ده وهب الوالي لعباده
برزق حلال بتتقضى
شبعت ولقمتين فاضوا
وصبري اقوى من الايام
ولو تقلوا الحمول زادوا
ده فاتني كتير وماندمتش
ولا غنيتها اغنية
فرص بالجملة ماتعدش
لكن مش قدي ولا ليا
ياما استنيت اشوف النور
تروق ييجي عليا الدور
لا اكون ناكر ولا مغرور
ده مش طبعي ولا فيا
ولا اشكي واقول مفيش على طول
وبختي يزيدلي في عناده
ماتسألنيش بعيش ازاي
ده وهب الوالي لعباده
برزق حلال بتتقضى
شبعت ولقمتين فاضوا
وصبري اقوى من الايام
ولو تقلوا الحمول زادوا
كلمات أغنية ولا اشكي
كلمات وألحان : أحمد دوما
الميكس: عمرو الشيخ وأحمد دوما
ماسترينغ : LATINO