كلمات اغنية روق - نانسي حوا
إنتَ بتعرف، حتى شوفك
لازم إطّلع وَرايي
وإنتَ بتعرف إنّو عيوني
ما بتقشَع إلّا لقدّام
يعني لو قد ما تناديني
وتحكيلي نفس الرواية
صوتك مَنّو عالي كفاية
تيوصل عندي الكلام
روق وخبّرني شو إحساسك
إنّك صاير عم بتسوق
والمقعد حدّك فاضي
أنا مش هَون
ومين يلّي قادر يقعد محلّي
وينسّيك سنين
سنين اللّي سِقنا فيها بكلّ الكَون
إنتَ بتعرف، كلّ غراضك
يلّي وقتها نسيتا عندي
حطّيتا بعلبة وسكّرتا
وأخدتا معي مشوار
أخدتا عالبحر وكبّيتا
لتعرف إنّو ما عندي رحمة
لَيَلّي آذاني وبكّاني هونيك نهار
روق وخبّرني شو إحساسك
إنّك صاير عم بتسوق
والمقعد حدّك فاضي
أنا مش هَون
ومين يلّي قادر يقعد محلّي
وينسّيك سنين
سنين اللّي سِقنا فيها بكلّ الكَون
كلمات أغنية روق
كلمات: جيلبرت أبي ناصيف
ألحان: ريان بورجي
توزيع: رواد حمدار
ميكس وماسترينغ: مصطفى عبد الرضا