كلمات اغنية راكب مكنتي ل 600 - اسلام كابونجا
أيوة
مش بدي فرصة وفي أي صدفة
أنا ببقى كارثة وجناية
صدادتي ترسة كساحتي شرسة
وزي ما ترسى الحكاية
أفيجو يا دخلاوي
محمد الزلباني بيقولك إبعتهاله
من طنطا أرض الـ ١٠٠ سندال
واحد، إتنين، تلاتة، يلا
حد جاي معايا في جولة
أنا مفترس شقي وحملة
باكل لحم أخصامي ني
مش دراكولا أكشنجي صايع
بسحب وأتعارك في الشوارع
إسحب سلاحك يا اللي سامع
اطلبني هقولك أنا جاي
مش بدي فرصة وفي أي صدفة
أنا ببقى كارثة وجناية
صدادتي ترسة كساحتي شرسة
زي ما ترسى الحكاية
والمخبرينو دي كلاب مالينو
على طول بتجري ورايا
من سطح بيتنا لبيت جارتنا
بنط چامب وبخلع
والبت كيتي قالت ما تيجي
شاورتلي وقالتلي إطلع
فطلعت رحت حضنت وبوست
وشارعنا تحت مولع
طنطا أرض المليون سندال
دي مش بتجيب غير الأبطال
إسمه لوحده يساوي مجال
أسطورة محمد الزلباني
أبو يوسف دكن يا صاحبي
إحنا ملوك في أرض العجمي
توتو الأكشنجي النفذنجي
بيولع الأرض في ثواني
الصحة طازة العقل سم
وسلاحي بيحب الدم
أنا في الشارع أو في القسم
بنيم أخصامي واقفين
واللي مش قد الجمهرة
بلاش يعملي عنترة
إيديكو فوق وارجعوا لورا
نفذوا الأمر يا مساجين
أنا إسمي جاتا، خابط تلاتة
وفي أي أرض قاضيها
وكل حتة بتخافوا منها
أنا انزلت وسحبت فيها
بس أكتر حاجة أنا بكرهها
الإرشاد اللي خارب الجيهة
مرشد تمامه ينقل كلامه
ده دليفري وأمه دي أوبر
يرشد ويقبض إبن الغازية
وودانه دي واقفة دوبر
تحصل حكاية في الجيهة وقتي
ع القسم يجري ميني كوبر
راكب مكنتي الـ ٦٠٠
حاطط في جنبي الـ ٧٠٠
وواكل واحدة ٨٠٠
مخلياني ماشي طاير
شيطاني قالي خش مسي
دخلت أمسي على خصمي
سامو عليكو إديته كرسي
سحب سلاحه قال يا فاجر
اللي يجي ع السكة أشوطه
واللي خصمني ده إختار موته
أي كلب هيطلع صوته
أنا هلبسه كمامة
تيجي معايا وتفرد كتفك
الخوجة تزغرط على خدك
إنت عاملي وحش في جيهتك
حط مرهم، ألف سلامة
مع إحترامي لأي شاب
أي بطل قدامي كلب
أنا مش بمشي على جنب
أنا بفرد صدري وبروح
ماشي بغدرتي في الحزام
بفركها في بداية الكلام
بتفرقع الوشوش قوام
وفي الجسم بتسيب جروح
أنا خارج عن القانون
ماشي بمبدأ تخون هخون
وبعرف أقرا العيون
مسجون وبند من زمان
جوة الأوضة ما فيش كلام
لافف القطر ع الحزام
ع الصفارة كله ينام
كاتب ع الحيطة نو أمان
صاحبي اللي ليا نور عينيا
إنت عندي بالدنيا ديا
كلمة بحبك دي شوية
إنت أخويا وشقي رسمي
أخ باحتاجه بلاقيه
الصورة ما تحلاش إلا بيه
اللي يبصله أشيل عينيه
وخصم صاحبي يبقى خصمي
بصراحة إنتي كرباج وبيور
قشطة ومربى وبيتي فور
بس محسوبك واد أمور
ما فيش واحدة بصراحة عجباني
بس إنتي غير كل الباقيين
إنتي أحلى من الحلوين
بيت باباكي أروحه منين
تسمحيلي تكوني عشاني
طنطا خالصة معاها الكلام
كلها بالحب والإحترام
دي أرض مطلعة أعلام
طنطا يا عم دي بلدنا
محمد الزلباني واحد
شيكو نزيه وقلبه قاعد
وبيتجاحد على الجاحد
اللي مشرف منطقتنا
مروان الزلباني إنت
الأصل وكل دول أونطة
تنكش مروان هتاخد خبطة
مش هتنساها طول حياتك
أحمد القني جمهورية
هجمته ع الأخصام عافية
وفاهم كلمة رجولية
أحمد القني مشرف إخواتك
أبو يوسف خطر مميت
العجمي واخد كل الصيت
توتو بيضرب ديناميت
توتو خطر على الخطرين
بيقولكو مش قد الخصومة
إطلعوا إشتكوا للحكومة
أنا المافيا كريم رحومة
كلها تعرف أنا مين
بيقول أنا ثابت مكاني
واحد وما فيش مني تاني
أنا اسمي هاني البستاني
وعامل إسم أعيش عليه
قلب وفلوس ودماغ وعدة
إسمه مسمّع في كل حتة
أسطورة عمر أبو سعدة
أعلى بروجي ليك يا بيه
فتحي البراوي ما تخصموش
عشان وشك ما يقطعوش
ما فيش حد ما يعرفوش
إنزل بس وإسأل عليه
كابونجا بنفسه إسمه طالع
مانو الجاحد قلم الشارع
فيجو الدخلاوي شبح وصايع
تلاتة واخدين الترند
حودة العفريت ده وحش ميديا
دولسيكا بيضرب ضربة قاضية
لمبادا والقناص على فكرة
إتنين إدارات وأعلى بند
باور ميوزك أبو مالك
صيتها بالأدب مش بالعند
كلمات أغنية راكب مكنتي ل 600
مهرجان : راكب مكنتي ل 600
غناء : اسلام كابونجا
كلمات :مانو الجاحد
توزيع : فيجو الدخلاوي