كلمات اغنية خمري - مسلم
عطيني المايك وفتح الودن
ليوما جيت نمزك اللي توحش هاد الفن
الراب مغربي غادي نجبدو ليكم وسط الكفن
اللي فكرشو العجين غايحزن وغانزيدو ما يعجن
الغلاب فالروابا ماشي حقيقي
الصلابة والتمثيل فالسطوريات يا صديقي
شحال من واحد زرّف راسو بغا يدخل فطريقي
ملّي شافني حداه فالزنقة ولى غير متملّقي
ما جاوبتكشي آصاحبي حيت أنا ماشي بيدوفيل
فمك فم شيواوا فمي فم الكروكوديل
ملي كنرابي نتوما كتوليو غير تماثيل
الفلو ديالي دبّاح القوافي قنابل
فتاريخ الراب عندي ألبومات محنّطين
موسيقتي تمزك الملائكة وحتى الشياطين
مرة نربِّي مرة نغني مرة مخلطين
وليوما جيت نخلع العبيد والسلاطين
صاحبي اللي بحالك في الروضة
صافي ماتو بلا عودة
كاع اللي غلط ما درك يعاودا
صاحبي راك في الصفحة السودا
مساكين هادو اللي غارو مني
مشاكلم كيف يحبسو فني
مابقاشي يرابي ولى كيغني
لاموني ثم قلدوني
على بالي تحلم تشطح فوق قبري
على بالي تحلم يتسالا حبري
ما يفنى فني إذا فنى عمري
سوّل كاع اللي ذاقو خمري
فراسمالك جوج سطورة
كتقارن راسك بالأسطورة
وهنا الخطورة حسن لك إنتبه للسبورة
أنا كنرابي قبل ما يبان فيك هرمون الذكورة
تعلم مني حسن ما تموت وانت حاقد
كاع اللي كان بحالك دغيا بان ودغيا انقرض
زعما غامض، انت غير حامض
شدّاك تلعب فاهم، وانت غير حافظ
كلاشيت الدولة ملي كانت باقا مغولة
جيتو دابا لقيتوها لا قوّة ولا حول
كتأنسبيراو من حياتي كتعاودو غير ريماتي
عادي حيت الراب مغربي فيه جيناتي
موسيقتي قاست الكل حيت أنا محنّك
كنمزك خاك الصغير وباباك وحتى حنّاك
وكنعس أنا فالطوب كنستنّاك
وكيف العادة غادي نخيب ظنّك
صاحبي اللي بحالك في الروضة
صافي ماتو بلا عودة
كاع اللي غلط ما درك يعاودا
صاحبي راك في الصفحة السودا
مساكين هادو اللي غارو مني
مشاكلم كيف يحبسو فني
مابقاشي يرابي ولى كيغني
لاموني ثم قلدوني
على بالي تحلم تشطح فوق قبري
على بالي تحلم يتسالا حبري
ما يفنى فني إذا فنى عمري
سوّل كاع اللي ذاقو خمري
صاحبي اللي بحالك في الروضة
صافي ماتو بلا عودة
كاع اللي غلط ما درك يعاودا
صاحبي راك في الصفحة السودا
مساكين غارو مني
مشاكلم يحبسو فني
مابقاشي ولى كيغني
لاموني وقلدوني
كلمات أغنية خمري
كلمات، غناء وألحان: MuslimProdOfficial
توزيع موسيقي: DjMeed