كلمات قصيدة جيت أبلغك - محمد بوجبارة

غايب يا بدر ليلي
وين اجفوفك احجيلي
ظلمه الدنيه بعيوني
خل وجهك يضويلي

يابو فاضل
هدأ كلشي وسكت دوي العسكر
وإجيت المشرعه وگطعت البر
يخويه وجدمي بالجثث يعثر

إجيت اركض
إلك جابتني ريحة الخوه
أريد احجيلك العدو اشسوه
قبل لا أمشي للسبي گوه

جيت ابلغك تراني يخويه
صبح باجر اطلع سبيه
والله دنيه التخليني أمشي
وعيون الشماته عليه

خاف احجي ويفز جرحك
خاف ابجي وشمر يضحك
شيل النبله من عينك
وعاين وجهي تبجيلي

غايب يا بدر ليلي
وين اجفوفك احجيلي
ظلمه الدنيه بعيوني
خل وجهك يضويلي

بلا خيمه
بقيت وعالرمل أحط خدي
انطبع سوط الشمر على زندي
يخويه ولا زلم بقت عندي

يخي تدري
أبو اليمه انگطع هوه انفاسه
نخيته وعالرمح شفت راسه
لطمت وصحت وينه عباسه

خاف اجرحك يخويه امن اگلك
شمرهم تجاسر عليه
سلبوهن بنات الرساله
وخذوهن تراجي رقيه

جم طفله انسطر خدها
وانباگت معاضدها
ما بين الخيم ركضه
أركض وانهدم حيلي

غايب يا بدر ليلي
وين اجفوفك احجيلي
ظلمه الدنيه بعيوني
خل وجهك يضويلي

صباح باجر
إذا فوگ الهزل يمشوني
يضحكون العده ويقهروني
واذا أندار الك يشتموني

يابو فاضل
وكت خله الشمر يحاجيني
يلوح راسك ويبجيني
يخي وابيمنته سطر عيني

عالهزايل خذونه أساره
رمي بالحجاره ولونه
بيش ادافع وحبلهم بديه
كسبي الجواري سبونه

وسفه اتذبني أيامي
بين الكوفي والشامي
بنت العز عگب عينك
طحت ابذله يا ويلي

غايب يا بدر ليلي
وين اجفوفك احجيلي
ظلمه الدنيه بعيوني
خل وجهك يضويلي

كلمات قصيدة جيت أبلغك

أداء: الملا محمد بوجبارة
كلمات الشاعر: كرار حيدر الخفاجي