انا والعيد
يوسف شذانكلمات قصيدة انا والعيد - يوسف شذان
جا دق دق الباب وانا قولت ايوه من؟
ماقال الأحباب قال افتح معاك العيد
قولت الله الله كان عاد الفراق أهون
فقال ايش قولت عفوا ماسمعتك عيد
قولت الله اكبر ولاشي مرحبا واهلن
وصولك احلا وأجمل من وصول العيد
قال كيف الأوضاع قولت ابشر ولاتركن
والمعنويات قولنا جيد يسلم جيد
قولي على شان توضح نيتك وامن
عن اي موضوع تشتي شرح بالتحديد
قال الله المستعان ارتاح واطمن
ماجيت أخليك تحت الضغط والتهديد
واوبه تزيد في التفكير باتجنن
لوما تكيفت عتزيد الأمور تعقيد
ماجيت غير أجمعك بأهلك فلا تحزن
بلغ عصافير قلبك تبدا التغريد
وبعدها جا جلس جنبي وقال اذهن
معي سؤالين جي نعمل لهن تصليد
اهلك بخيرين قولت الحمد لله احسن
وصحتك كيف؟ قولت الحمد له صنديد
فقال مادام والباري عليكم من
بالعافيه يعتبر هادا هو أكبر عيد
مافيش داعي تبيع حاجه ولاترهن
عشان تأخذ من الأصلي او التقليد
حاول تعيش التفاصيل قدر ما امكن
بالجو بالناس بالتكبير بالتحميد
ولجل يرتاح بالك وانت تتحسن
احذف نظام التكلف عيش أندرويد
فقولت له لازم أبقى عند حسن الظن
اقلشي عند من يعتز بي ويشيد
فقال زور المكالف بس وانا اضمن
اديت ما اديت تكفي بديتك وتزيد